PM Kisan Yojana: పీఎం కిసాన్‌ స్కీమ్‌లో గోల్‌మాల్‌.. 21 లక్షల మంది అనర్హులుగా గుర్తింపు
PM Kisan Yojana: ప్రధాన మంత్రి కిసాన్‌ సమ్మాన్‌ నిధి యోజన స్కీమ్‌ గురించి అందరికి తెలిసిందే. దీని వల్ల ఎంతో మంది రైతులు లాభం పొందుతున్నారు. ఈ పథకానికి ప్రధాని..
PM Kisan Yojana: ప్రధాన మంత్రి కిసాన్‌ సమ్మాన్‌ నిధి యోజన స్కీమ్‌ గురించి అందరికి తెలిసిందే. దీని వల్ల ఎంతో మంది రైతులు లాభం పొందుతున్నారు. ఈ పథకానికి ప్రధాని నరేంద్ర మోడీ యూపీలో 24 ఫిబ్రవరి 2019న పీఎం కిసాన్‌ స్కీమ్‌ను ప్రారంభించారు. అయితే ఈ పీఎం కిసాన్‌ స్కీమ్‌ వచ్చాక కొన్ని రాష్ట్రాల్లో అనర్హులు కూడా డబ్బులు పొందుతుండగా, కేంద్రం నిఘా పెట్టింది. దీంతో అనర్హులను ఏరివేసే కార్యక్రమం చేపడుతోంది. ఈ నేపథ్యంలో ఈ పథకంలో రాష్ట్రంలో 21 లక్షల మంది అనర్హులుగా గుర్తించింది ఉత్తరప్రదేశ్‌ ప్రభుత్వం. ఇప్పటికే అక్కడ ఎంతో మంది అనర్హులుగా గుర్తించగా, ఇంకా ఏరివేత కార్యక్రమం చేపడుతూనే ఉంది.
ఈ పథకం ద్వారా పొందిన సొమ్మును తిరిగి రాబట్టే పనిలో ఉన్నట్లు ఆ రాష్ట్ర వ్యవసాయశాఖ మంత్రి సూర్యప్రతాప్‌ షాహి వెల్లడించారు. యూపీలో 2.85 కోట్ల మంది రైతులు ఉండగా, అందులో 21 లక్షల మంది అనర్హులగా తేల్చింది ప్రభుత్వం. ఒకే ఇంట్లో భార్యాభర్తలిద్దరు, ఆదాయపు పన్ను కట్టేవారు ఈ పీఎం కిసాన్‌ స్కీమ్‌ ద్వారా డబ్బులు అందుకున్న వారిలో ఉన్నారని తెలిపారు. ఇప్పటి వరకు వారు పొందిన మొత్తాన్ని రికవరీ చేస్తామని ఆయన వెల్లడించారు.
కాగా, రైతులకు పెట్టుబడి సాయంగా ఉండేందుకు ఈ పీఎం కిసాన్‌ స్కీమ్‌ను తీసుకువచ్చిన విషయం తెలిసిందే. ఈ పథకం ద్వారా రైతులకు ఏడాదికి రూ.6000 చొప్పున అందిస్తోంది కేంద్రం. ఈ మొత్తాన్ని ఏడాదిలో మూడు విడతల్లో అంటే రూ.2000 చొప్పున రైతుల ఖాతాల్లో జమ చేస్తోంది కేంద్రం. అనర్హులు పొందిన ఈ మొత్తాన్ని తిరిగి చెల్లించేందుకు పీఎం కిసాన్‌ పోర్టల్‌లో ప్రత్యేక సదుపాయాన్ని సైతం ఏర్పాటు చేసింది ప్రభుత్వం.
మరిన్ని బిజినెస్ వార్తల కోసం ఇక్కడ క్లిక్ చేయండి