PM Kisan Scheme: రైతులకు అలర్ట్.. పీఎం కిసాన్ 22వ విడత వచ్చేది అప్పుడేనా..?
PM Kisan Scheme 22 Installment: కేంద్ర ప్రభుత్వం రైతుల కోసం ఎన్నో పథకాలను అమలు చేస్తోంది. అందులో పీఎం కిసాన్ స్కీమ్ ఒకటి. ఇప్పటి వరకు రైతులు 21వ విడత డబ్బులు అందుకున్నారు. ఇప్పుడు 22వ విడత రావాల్సి ఉంది..
PM Kisan Scheme: దేశంలోని రైతులను ఆర్థికంగా సాయం అందించేందుకు కేంద్ర ప్రభుత్వం ప్రధానమంత్రి కిసాన్ సమ్మాన్ నిధి యోజనను అమలు చేస్తోంది. ఈ పథకం ద్వారా లక్షలాది మంది రైతులు సాయం పొందుతున్నారు. ఈ పథకం కింద అర్హత కలిగిన రైతులు సంవత్సరానికి రూ.6,000 నేరుగా వారి బ్యాంకు ఖాతాల్లోకి సహాయం అందుకుంటున్నారు. దీనిని మూడు సమాన వాయిదాలలో రైతు ఖాతాల్లో జమ చేస్తోంది కేంద్రం రూ.2 వేల చొప్పున జమ చేస్తోంది. ఇప్పటివరకు మొత్తం 21 వాయిదాలు విడుదల అయ్యాయి. ఇప్పుడు 22వ విడత కోసం రైతులు ఎదురు చూస్తున్నారు.
అయితే 22వ విడత ఫిబ్రవరి నెల చివరలో వచ్చే అవకాశం ఉందని సమాచారం. దీనిపై ప్రభుత్వం నుంచి ఎటువంటి అధికారిక ప్రకటన రాలేదు. నివేదిక ద్వారా అందుతున్న సమాచారం మాత్రమే. అయితే కేంద్రం ఎప్పుడు కూడా ముందస్తుగా ప్రకటన చేయలేదు. అయితే ఈ డబ్బులు అందాలంటే మీ కేవైసీ వివరాలను అప్డేట్ చేసి ఉండటం చాలా ముఖ్యం. లేకుంటే మీ వాయిదా నిలిచిపోయే అవకాశం ఉందని గుర్తించుకోండి.
ఇది కూడా చదవండి: Silver Price: వెండి ధర రూ.2 లక్షలలోపు దిగి రానుందా? నిపుణులు ఏమంటున్నారు?
ఇంట్లో కూర్చొని మీ స్థితిని ఇలా తనిఖీ చేయండి:
మీరు మీ ఇంటి నుండే కిసాన్ యోజన కింద మీ స్థితిని తనిఖీ చేయవచ్చు. దీని కోసం ముందుగా అధికారిక వెబ్సైట్ pmkisan.gov.in ని ఓపెన్ చేయండి. హోమ్ పేజీలో “Know Your Status”ను ఎంపికపై క్లిక్ చేయండి. ఇక్కడ మీరు మీ రిజిస్ట్రేషన్ నంబర్ను నమోదు చేయాలి. మీకు మీ రిజిస్ట్రేషన్ నంబర్ గుర్తులేకపోతే, “మీ రిజిస్ట్రేషన్ నంబర్ తెలుసుకోండి” అనే ఆప్షన్పై క్లిక్ చేయడం ద్వారా మీ మొబైల్ నంబర్ లేదా ఆధార్ నంబర్ను ఉపయోగించి మీరు దానిని కనుగొనవచ్చు.
ఇది కూడా చదవండి: FasTag Rule Change: వాహనదారులకు గుడ్న్యూస్.. కొత్త ఫాస్టాగ్ నియమాలు.. నేటి నుంచి అమలు!
తరువాత స్క్రీన్పై క్యాప్చా కోడ్ను నమోదు చేసి వివరాలను పొందండిపై క్లిక్ చేయండి. కొన్ని సెకన్లలో మీరు పూర్తి సమాచారాన్ని అందుకుంటారు. ఇది మీ ప్రొఫైల్ అప్డేట్ అయ్యిందా? లేదా, మీ తదుపరి వాయిదాను స్వీకరించడంలో మీకు ఏవైనా సమస్యలు ఉన్నాయా అని నిర్ణయించడంలో మీకు సహాయపడుతుంది.
ఇప్పుడు రైతులు 22వ విడతపై దృష్టి సారించారు. వాయిదా విడుదలయ్యే ముందు మీ రికార్డులు పూర్తిగా ఖచ్చితమైనవని నిర్ధారించుకోవడం చాలా ముఖ్యం. కొన్నిసార్లు ఒక చిన్న పొరపాటు కూడా మీ డబ్బును అందుకోవడంలో ఆలస్యం కావచ్చు.
ఇది కూడా చదవండి: Best Scooters: మహిళలకు అనుకూలంగా ఉండే 5 బెస్ట్ స్కూటర్లు ఇవే..!
మరిన్ని బిజినెస్ వార్తల కోసం ఇక్కడ క్లిక్ చేయండి