ATM, UPI ద్వారా PF విత్‌డ్రాలు సాధ్యమేనా..? త్వరలో EPFO ​​కొత్త సిస్టమ్‌

EPFO ​​చందాదారులు త్వరలో తమ బ్యాంకు ఖాతాలను EPFతో అనుసంధానించిన తర్వాత ATMలు లేదా UPI వంటి ఇతర పద్ధతుల ద్వారా తమ ఉద్యోగుల ప్రావిడెంట్ ఫండ్ (EPF)ను వారి ఖాతాల నుండి నేరుగా ఉపసంహరించుకోగలుగుతారు. ఈపీఎఫ్‌లో కొంత భాగాన్ని యూపీఐ లేదా ఏటీఎం డెబిట్ కార్డులు వంటి వివిధ పద్ధతులను ఉపయోగించి వారి బ్యాంక్ ఖాతా ద్వారా పెద్ద మొత్తంలో డబ్బును ఉపసంహరించుకునేలా చేసే ప్రాజెక్టుపై కార్మిక మంత్రిత్వ శాఖ పనిచేస్తోందని ఉన్నత స్థాయి అధికారి ఒకరు తెలిపారు.

ఈ వ్యవస్థను అమలు చేయడంలో కొన్ని సాఫ్ట్‌వేర్ సవాళ్లు ఉన్నాయని, వాటిని పరిష్కరిస్తున్నామని కూడా ఆ వర్గాలు తెలిపాయి. ప్రస్తుతం ఉద్యోగుల ప్రావిడెంట్ ఫండ్ ఆర్గనైజేషన్ (EPFO) సభ్యులు తమ EPF డబ్బును పొందేందుకు ఉపసంహరణ క్లెయిమ్‌ల కోసం దరఖాస్తు చేసుకోవాలి. ఇది చాలా సమయం తీసుకుంటుంది. ఆటో-సెటిల్మెంట్ మోడ్ కింద ఉపసంహరణ క్లెయిమ్‌లు దరఖాస్తు ఫారమ్‌ను దాఖలు చేసిన మూడు రోజుల్లో మాన్యువల్ జోక్యం లేకుండా ఎలక్ట్రానిక్‌గా క్లెయిమ్‌ చేసుకునే అవకాశం ఉంటుంది.

ఇది కూడా చదవండి: Tech Tips: స్మార్ట్‌ఫోన్ బ్యాటరీ త్వరగా అయిపోతుందా? బ్యాటరీని ఆదా చేయడానికి 10 ఉత్తమ చిట్కాలు!

ఆటో-సెటిల్మెంట్ మోడ్ పరిమితి పెంపు:

ఈ ఆటో-సెటిల్మెంట్ మోడ్ పరిమితిని మంగళవారం రూ. 1 లక్ష నుండి రూ. 5 లక్షలకు పెంచారు. దీనివల్ల పెద్ద సంఖ్యలో EPFO ​​సభ్యులు అనారోగ్యం, విద్య, వివాహం, గృహ అవసరాల కోసం మూడు రోజుల్లోపు తమ EPF డబ్బును పొందవచ్చు. 7 కోట్లకు పైగా సభ్యులను కలిగి ఉన్న EPFO, COVID-19 మహమ్మారి సమయంలో ఆర్థిక ఇబ్బందులను ఎదుర్కొంటున్న వారికి త్వరిత సహాయం అందించడానికి ముందస్తు క్లెయిమ్‌ల ఆన్‌లైన్ ఆటో-సెటిల్‌మెంట్‌ను ప్రవేశపెట్టింది.

అయితే అందరు సభ్యులు తమ సొంత EPFని యాక్సెస్ చేయడానికి క్లెయిమ్‌లను దాఖలు చేయాలి. ప్రతి సంవత్సరం EPF ఉపసంహరణకు సంబంధించిన 5 కోట్లకు పైగా క్లెయిమ్‌లు పరిష్కరిష్కారం అవుతున్నందున ఈ సమయం తీసుకునే ప్రక్రియను తగ్గించేందుకు, ఈపీఎఫ్‌వో ​​భారాన్ని తగ్గించడానికి కొత్త వ్యవస్థను అభివృద్ధి చేస్తున్నారు.

ఈపీఎఫ్‌వోకి ఎటువంటి బ్యాంకింగ్ లైసెన్స్‌లు లేనందున దాని సభ్యులు EPF ఖాతాల నుండి నేరుగా డబ్బును ఉపసంహరించుకోవడానికి అనుమతించలేరని , అయితే, ప్రభుత్వం బ్యాంకులతో సమానంగా EPFO ​​సేవలను మెరుగుపరచాలని కోరుకుంటుంది. ఈ కొత్త సిస్టమ్‌ అమల్లోకి వచ్చిన తర్వాత పీఎఫ్ ఫండ్ లో కొంత భాగాన్ని ఉంచి ఎక్కువ భాగాన్ని UPI లేదా ATM డెబిట్ కార్డ్ వంటి వివిధ పద్ధతుల ద్వారా ఉపసంహరించుకోవచ్చు.

ఇది కూడా చదవండి: Jio Plans: మొబైల్‌ యూజర్లకు గుడ్‌న్యూస్‌.. జియోలో అత్యంత చౌకైన ప్లాన్స్‌ గురించి తెలుసా..?

మరిన్ని బిజినెస్ వార్తల కోసం ఇక్కడ క్లిక్ చేయండి