Petrol Diesel Price: వాహనదారులకు ఊరట.. స్థిరంగా కొనసాగుతున్న పెట్రోల్, డీజిల్ ధరలు..!
Petrol Diesel Price: గత కొన్ని రోజుల క్రితం వరకు పరుగులు పెట్టిన పెట్రోల్, డీజిల్ ధరలకు ఇటీవల కాస్త బ్రేక్‌ పడింది. రెండు రోజుల కిందట స్వల్పంగా తగ్గిన పెట్రోల్..
Petrol Diesel Price: గత కొన్ని రోజుల క్రితం వరకు పరుగులు పెట్టిన పెట్రోల్, డీజిల్ ధరలకు ఇటీవల కాస్త బ్రేక్‌ పడింది. రెండు రోజుల కిందట స్వల్పంగా తగ్గిన పెట్రోల్, డీజిల్ ధరలు.. శుక్రవారం స్థిరంగా ఉన్నాయి. సెప్టెంబర్‌ 1న తగ్గాయి. దేశ వ్యాప్తంగా లీటర్ పెట్రోల్ ధరపై 10 నుంచి 15 పైసలు, లీటర్ డీజిల్ ధరపై 14 నుంచి 15 పైసలు తగ్గగా, ఇప్పుడు నిలకడగా కొనసాగుతున్నాయి. అయితే తాజాగా దేశంలో ఇంధన ధరల్లో ఎలాంటి మార్పులు ఉండకపోగా, ఆంధ్రప్రదేశ్‌లోని పలు ప్రాంతాల్లో ధరల్లో స్వల్ప మార్పులు చోటు చేసుకున్నాయి. ఇప్పటి వరకు వంద రూపాయలకుపైగా దాటిన పెట్రోల ధరలు వాహనదారుల నడ్డి విరుస్తోంది. సామాన్యులు వాహనాలను బయటకు తీయాలంటేనే భయపడే రోజులు వచ్చేస్తున్నాయి. ఇక తాజాగా దేశ వ్యాప్తంగా ఈరోజు పెట్రోల్, డీజిల్ ధరలు ఎలా ఉన్నాయో ఓసారి చూద్దాం.
దేశంలో ప్రధాన ప్రాంతాల్లో పెట్రోల్, డీజిల్ ధరలు:
► దేశ రాజధాని న్యూఢిల్లీలో లీటర్ పెట్రోల్ ధర రూ. 101.34కి చేరగా, డీజిల్ రూ. 88.77 వద్ద కొనసాగుతోంది.
► దేశ ఆర్థిక రాజధాని ముంబైలో లీటర్ పెట్రోల్ ధర రూ. 107.39 ఉండగా, డీజిల్ రూ. 96.33కు చేరింది.
► చెన్నైలో లీటర్ పెట్రోల్ ధర రూ. 99.08 గా ఉండగా, డీజిల్ ధర రూ. 93.38 వద్ద కొనసాగుతోంది.
► బెంగళూరులో లీటర్ పెట్రోల్ రూ. 104.84 కాగా, డీజిల్ ధర రూ. 94.34 గా ఉంది.
► కోల్‌కతాలో లీటర్ పెట్రోల్ ధర రూ.109.72, డీజిల్ ధర రూ.91.84.
తెలుగు రాష్ట్రాల్లో ..
► హైదరాబాద్‌లో లీటర్ పెట్రోల్ ధర రూ.105.40 ఉండగా, డీజిల్ రూ. 96.84 గా ఉంది.
► వరంగల్‌లో లీటర్ పెట్రోల్ ధర రూ. 104.91 ఉండగా, లీటర్ డీజిల్ ధర రూ.96.38గా ఉంది.
► మెదక్‌లో లీటర్ పెట్రోల్ ధర రూ.106.68గా ఉండగా, డీజిల్ ధర రూ.97.87గా ఉంది.
►రంగారెడ్డి జిల్లాలో లీటర్ పెట్రోల్ ధర రూ. 105.78ఉండగా, డీజిల్ ధర రూ.97.20గా ఉంది.
► విజయవాడలో లీటర్ పెట్రోల్ ధర రూ. 107.87గా ఉండగా, డీజిల్ ధర రూ. 98.79 వద్ద కొనసాగుతోంది.
► విశాఖపట్నంలో లీటర్ పెట్రోల్ ధర రూ. 107.01 కాగా, డీజిల్ రూ. 98.94 గా నమోదైంది.
► కృష్ణా జిల్లాలో లీటర్ పెట్రోల్ ధర రూ. 107.21గా ఉండగా, డీజిల్ ధర రూ.98.18గా ఉంది.
మరోవైపు అంతర్జాతీయ మార్కెట్‌లో ముడి చమురు (క్రూడాయిల్) ధరలు తగ్గాయి. ఇకపోతే సాధారణంగా పెట్రోల్, డీజిల్ ధరలు ప్రతి రోజు మారుతూ వస్తుంటాయి. అంతర్జాతీయ మార్కెట్‌లో ముడిచమురు ధరల ప్రాతిపదికన ఇంధన రిటైల్ కంపెనీలు పెట్రోల్, డీజిల్ ధరలను సవరిస్తూ వస్తుంటాయి. ఈ నేపథ్యంలోనే ధరలు ఒక రోజు పెరగవచ్చు.. లేదా తగ్గవచ్చు. లేదంటే స్థిరంగా కూడా కొనసాగవచ్చు. తాజాగా స్వల్పంగా తగ్గుముఖం పట్టింది.