Pennar Group Orders: పెన్నార్ ఇండస్ట్రీస్కు రూ.582 కోట్ల విలువైన ఆర్డర్లు..!
Pennar Group Orders: ప్రముఖ ఇంజనీరింగ్ ఉత్పత్తుల కంపెనీ పెన్నార్ ఇండస్ట్రీ వివిధ రంగాలకు చెందిన వ్యాపార సంస్థల నుంచి రూ.582 కోట్ల విలువైన ఆర్డర్లు..
Pennar Group Orders: ప్రముఖ ఇంజనీరింగ్ ఉత్పత్తుల కంపెనీ పెన్నార్ ఇండస్ట్రీ వివిధ రంగాలకు చెందిన వ్యాపార సంస్థల నుంచి రూ.582 కోట్ల విలువైన ఆర్డర్లు వచ్చాయి. శ్రీదిగ్విజయ్ సిమెంట్, అల్ట్రాటెక్ సిమెంట్, మ్యాట్రిక్స్ స్ట్రక్చర్, లోధా గ్రూపుల నుంచి ప్రీ- ఇంజనీర్ బిల్డింగ్ కేటగిరికి గోదాముల నిర్మాణం, సౌర పీవీ మాడ్యూళ్లు, స్ట్రక్చర్ స్టీల్ ఉత్పత్తుల సరఫరాకు సంబంధించి ఈ ఆర్డర్లను సంపాదించుకుంది. అలాగే రైల్వే ఉత్పత్తుల విభాగానికి వాల్టెక్, డైమమిక్, ఆర్బినాక్స్, ఐసీఎఫ్ ఎన్సీఆర్ తదితర కంపెనీల నుంచి ఈ ఆర్డర్లు వచ్చాయి.
అలాగే విదేశాల్లో పెన్నార్ గ్రూప్ యూఎస్ అనుబంధ సంస్థలు జేమ్స్ హార్డీ, ఆస్పైర్ డిజైన్, ఇండియన్ క్రీక్ మూవీ స్టూడియోస్ వంటి కస్టమర్ల నుంచి రూ.186 కోట్ల విలువైన ఆర్డర్లను బుక్ చేసుకుంది. కంపెనీ క్యూ2 సెప్టెంబర్ 2020లో రూ.0.57 కోట్ల నికర లాభంతో పోలిస్తే 2021 సెప్టెంబర్ క్యూ2లో రూ.8.14 కోట్ల ఏకీకృత నికర లాభాన్ని నివేదించింది. సెప్టెంబర్ 2020 క్యూ2తో పోలిస్తే సెప్టెంబర్ 2021లో నికర అమ్మకాలు 41.3 శాతం పెరిగి రూ.551.70 కోట్లకు చేరాయి.
ఇవి కూడా చదవండి: