Startup Companies: స్టార్టప్స్లోకి పెట్టుబడుల వెల్లువ.. మూడు నెలల్లోనే ఎన్ని కోట్లు వచ్చాయంటే..
Startup Companies: దేశీయ స్టార్టప్ కంపెనీల్లోకి పెట్టుబడుల వరద కొనసాగుతోంది. 2022 మార్చితో ముగిసిన మెుదటి క్వార్టర్ లో వేల కోట్ల పెట్టుబడులు వచ్చాయి.
Startup Companies: దేశీయ స్టార్టప్ కంపెనీల్లోకి పెట్టుబడుల వరద కొనసాగుతోంది. 2022 మార్చితో ముగిసిన మెుదటి క్వార్టర్ లో కొత్తగా రూ.81,540 కోట్ల పెట్టుబడులు వచ్చినట్లు పీడబ్ల్యుసీ ఇండియా నివేదిక చెబుతోంది. ఇందులో 89 శాతం పెట్టుబడులను ప్రారంభ దశలో ఉన్న స్టార్టప్ కంపెనీల్లోకి ఇన్వెస్ట్ మెంట్ గా వచ్చాయి. ఇదే సమయంలో మరో 14 స్టార్టప్ కంపెనీలు విలువపరంగా వంద కోట్ల డాలర్లను అధిగమించి కొత్తగా యూనికార్న్ హోదాను పొందాయి. దీంతో దేశంలో 100 కోట్ల డాలర్ల కంటే ఎక్కువ వాల్యుయేషన్ ఉన్న స్టార్టప్ కంపెనీల సంఖ్య 84కు చేరింది. గత తొమ్మిది నెలల నుంచి దేశీయ స్టార్టప్ కంపెనీలు ప్రతి త్రైమాసికంలోనూ 1,000 కోట్ల డాలర్లకుపైగా ఇన్వెస్ట్ మెంట్లను ఆకర్షిస్తున్నాయి. కరోనాతో పాటు అంతర్జాతీయ పరిస్థితులు ప్రతికూలంగా నిలుస్తున్నప్పటికీ.. కొత్త పెట్టుబడులు రావటం గమనార్హం.
ఐటీ ఆధారిత స్టార్టప్ కంపెనీల్లోకి పెట్టుబడులు ఎక్కువగా వస్తున్నాయి. ‘సాఫ్ట్వేర్ యాజ్ ఏ సర్వీస్’ స్టార్టప్ కంపెనీలు ఈ విషయంలో మరింత ముందున్నాయి. 2022 మార్చి త్రైమాసికంలో ఈ తరహా స్టార్టప్ కంపెనీలు 350 కోట్ల డాలర్ల పెట్టుబడులు ఆకర్షించాయి. ఈ త్రైమాసికంలో మొత్తం 14 స్టార్టప్లు యూనికార్న్ కంపెనీల్లో 5 ఈ కోవకు చెందినవే ఉండటం విశేషం. గత మూడేళ్లలో ‘సాస్’ తరహా స్టార్టప్స్లోకి పెట్టుబడులూ మూడింతలు పెరిగాయి.
స్టార్టప్ కంపెనీల గణనీయంగా పెరగటంతో అవి యూనికార్న్గా మారడంతో వాటిలో నిర్వహణా ప్రమాణాలకు ప్రాధాన్యత కూడా పెరిగింది. ఇందులో కొన్ని కంపెనీలు.. పబ్లిక్ ఇష్యూలకు సిద్ధమవుతున్నాయి. ఇదే సమయంలో స్టార్టప్స్లో విలీనాలు కూడా జోరుగా సాగుతున్నాయి. గత మూడు నెలల కాలంలో స్టార్టప్స్లో 80 విలీనాలు, కొనుగోళ్లు జరిగాయి. ఈ-కామర్స్ స్టార్టప్స్లో ఎక్కువ విలీనాలు, కొనుగోళ్లు చోటు జరిగినట్లు తెలుస్తోంది.
ఇవీ చదవండి..
Pak-Chian: ఖాన్ కంటే మెరుగ్గా షాబాజ్ పాలన ఉంటుంది.. పాకిస్తాన్పై కన్నేసిన డ్రాగన్ కంట్రీ..