Hyundai Car Offers: హ్యూందాయ్ పండుగ ఆఫర్లు షురూ.. నమ్మలేని తగ్గింపులు మీ సొంతం
భారతదేశంలో ప్రముఖ కార్ల తయారీ సంస్థ అయిన హ్యుందాయ్ మోటార్ అక్టోబర్లో ఎంపిక చేసిన మోడళ్లపై పండుగ సీజన్ డిస్కౌంట్లను ప్రకటించింది. ఈ పండుగ సీజన్లో కార్ల అమ్మకాల పెంపే లక్ష్యంగా నమ్మలేని ఆఫర్లను అందుబాటులోకి తీసుకొచ్చింది. దక్షిణ కొరియా కార్ల తయారీ సంస్థ అయిన హ్యూందాయ్ నాలుగు మోడళ్లపై ధర తగ్గింపులను అందిస్తోంది.
భారతదేశంలో ప్రముఖ కార్ల తయారీ సంస్థ అయిన హ్యుందాయ్ మోటార్ అక్టోబర్లో ఎంపిక చేసిన మోడళ్లపై పండుగ సీజన్ డిస్కౌంట్లను ప్రకటించింది. ఈ పండుగ సీజన్లో కార్ల అమ్మకాల పెంపే లక్ష్యంగా నమ్మలేని ఆఫర్లను అందుబాటులోకి తీసుకొచ్చింది. దక్షిణ కొరియా కార్ల తయారీ సంస్థ అయిన హ్యూందాయ్ నాలుగు మోడళ్లపై ధర తగ్గింపులను అందిస్తోంది. ఆ ఆఫర్లల్లో ప్రజాదరణ పొందిన రెండు ప్రసిద్ధ ఎస్యూవీలు ఉన్నాయి. ఇవి ఈ నెలాఖరు వరకు తగ్గింపు ధరలతో లభిస్తాయి. ఈ ప్రమోషన్ నుంచి ప్రయోజనం పొందుతున్న వాహనాల్లో ఎక్స్టర్, వెన్యూ ఎస్యూవీలు, అలాగే ఐ20, గ్రాండ్ ఐ10 నియోస్ హ్యాచ్బ్యాక్లు ఉన్నాయి. అదనంగా హ్యుందాయ్ తన సీఎన్జీతో నడిచే అనేక కార్లకు ఆఫర్ను విస్తరిస్తోంది. ఈ హ్యూందాయ్ పండుగ ఆఫర్ల గురించి మరిన్ని వివరాలను తెలుసుకుందాం.
కస్టమర్లు అక్టోబర్లో నిర్దిష్ట మోడల్లు, వేరియంట్లపై ఏకంగా రూ.80,000 వరకు ఆదా చేసుకోవచ్చని హ్యూందాయ్ ప్రతినిధులు చెబుతున్నారు. వెన్యూ సబ్ కాంపాక్ట్ ఎస్యూవీ కారుపై రూ.80,629 పొదుపుతో అందుబాటులో ఉంటుంది. ఈ కారుపై హ్యుందాయ్ పండుగ ఆఫర్లో భాగంగా రూ.6,000 తగ్గింపు ధరతో పాటు రూ.21,628 విలువైన అనుబంధ ప్యాకేజీని కూడా అందిస్తోంది .హ్యూందాయ్ కంపెనీలో అత్యధికంగా అమ్ముడైన ఎస్యూవీల్లో ఒకటైన ఎక్స్టర్ రూ.42,972 వరకు తగ్గింపుతో అందుబాటులో ఉంది . ఎక్స్టర్ ఎస్యూవీ కారుపై రూ.17,971 విలువైన అనుబంధ ప్యాకేజీని కేవలం రూ.5,000 కి కొనుగోలు చేయవచ్చు . ఈ తగ్గింపులు ఎక్స్టర్కు సంబంధించిన సీఎన్జీ వేరియంట్కు కూడా విస్తరించవచ్చు.
హ్యూందాయ్ గ్రాండ్ ఐ10 నియోస్ కారుపై రూ.58,000 వరకు పొదుపు చేయవచ్చు .ఐ 20 కారును స్టాండర్డ్, ఎన్ లైన్ వేరియంట్లలో వస్తుంది. ఈ కారుపై రూ.55,000 వరకు ప్రయోజనాలను అందిస్తుంది . హ్యుందాయ్ మోటార్ ఇండియా కూడా దాని అల్కాజార్ ఎస్యూవీ రిఫ్రెష్ వెర్షన్ను ఇటీవల విడుదల చేసింది. ఈ కారు ప్రారంభ ధర రూ.14.99 లక్షల (ఎక్స్-షోరూమ్) నుంచి ప్రారంభమవుతుంది. అప్డేటేడ్ అల్కాజర్ కారులో సరికొత్త గ్రిల్, కొత్త హెచ్-ఆకారపు ఎల్ఈడీ డేటైమ్ రన్నింగ్ లైట్లు, పెద్ద స్కిడ్ ప్లేట్లు, క్వాడ్ బీమ్ ఎల్ఈడీ హెడ్ల్యాంప్లు, 18 అంగుళాల డైమండ్ కట్ అల్లాయ్ వీల్స్ ఉన్నాయి.
మరిన్ని బిజినెస్ వార్తల కోసం ఇక్కడ క్లిక్ చేయండి..