EMI లేకుండా 5 ఏళ్లు ఇలా చేస్తే రూ. 50 లక్షల ఇల్లు మీ సొంతం.. చాలామందికి ఇది తెలియక తన్నుకుంటున్నారు

Home Loan Emi

సొంత ఇల్లు అనేది ప్రతి ఒక్కరి జీవితకాల కల. కానీ, ఆ కల నెరవేర్చుకోవడానికి తీసుకునే హోమ్ లోన్ ఒక్కోసారి 20 ఏళ్ల పాటు మనల్ని ఆర్థికంగా ఉక్కిరిబిక్కిరి చేస్తుంది. ముఖ్యంగా మనం కట్టే వడ్డీ, మనం తీసుకున్న అసలు కంటే ఎక్కువగా ఉండటం ఆందోళన కలిగించే విషయం. ఉదాహరణకు, 50 లక్షల లోన్ తీసుకుంటే, 20 ఏళ్లలో మనం మరో 55 లక్షల రూపాయలు కేవలం వడ్డీ రూపంలోనే చెల్లిస్తాం. ఈ భారాన్ని తగ్గించి, మీ లోన్‌ను సగం కాలంలోనే పూర్తి చేసేలా ఆర్ధిక నిపుణులు పలు సలహాలు, అద్భుతమైన వ్యూహాలు అందించారు.

1. 13వ ఈఎంఐ మ్యాజిక్:

సాధారణంగా మనం ఏడాదికి 12 ఈఎంఐలు కడతాం. కానీ, ఏడాదికి ఒకసారి మీ స్తోమతను బట్టి ఒక అదనపు EMIని(13వ EMI) ముందే చెల్లించండి. ఇది నేరుగా మీ ‘అసలు'(Principal) మొత్తాన్ని తగ్గిస్తుంది. లోన్ తీసుకున్న మొదటి ఐదేళ్లలో ఇలా చేయడం వల్ల వడ్డీ భారం భారీగా తగ్గి, మీ లోన్ గడువు 6 నుంచి 7 ఏళ్ల ముందే ముగిసిపోతుంది.

2. EMIతో పాటు SIP:

మీరు నెలకు కట్టే EMIలో కనీసం 10 శాతం మొత్తాన్ని ఒక మంచి మ్యూచువల్ ఫండ్ SIPలో పెట్టుబడి పెట్టండి. ఉదాహరణకు మీ EMI రూ. 44,000 అయితే, మరో రూ. 4,400 SIP చేయండి. 20 ఏళ్ల తర్వాత ఈ SIP ద్వారా వచ్చే రిటర్న్స్, మీరు బ్యాంక్ కట్టిన మొత్తం వడ్డీకి సమానంగా ఉంటాయి. అంటే సాంకేతికంగా మీ ఇల్లు మీకు ఉచితంగా లభించినట్లే!

3. సమాంతరంగా ఆస్తిని కూడబెట్టుకోవడం:

బోనస్‌లు లేదా అదనపు ఆదాయం వచ్చినప్పుడు వాటిని నేరుగా లోన్ కట్టేయకుండా, ఇండెక్స్ ఫండ్స్ లేదా అగ్రెసివ్ మ్యూచువల్ ఫండ్స్‌లో ఇన్వెస్ట్ చేయండి. ఇలా చేయడం వల్ల 8-10 ఏళ్లలో ఒక పెద్ద నిధి తయారవుతుంది. ఆ డబ్బుతో మీ మిగిలిన లోన్ మొత్తాన్ని ఒకేసారి క్లియర్ చేయవచ్చు. దీనివల్ల 25 ఏళ్ల లోన్ కేవలం 10 ఏళ్లలోనే తీరిపోతుంది.

4. ముందస్తు ప్రణాళిక:

ఇల్లు కొనడానికి 4-5 ఏళ్ల ముందే ప్లాన్ చేసుకోండి. మీరు కట్టాలనుకుంటున్న EMI మొత్తాన్ని ఇప్పుడే SIP రూపంలో పొదుపు చేయడం వల్ల డౌన్ పేమెంట్, రిజిస్ట్రేషన్ ఖర్చుల భారం తగ్గుతుంది. అలాగే, టాప్-అప్ లోన్ల జోలికి వెళ్లకుండా ఉండటమే ఉత్తమమని బిజినెస్ నిపుణులు హెచ్చరిస్తున్నారు. ఈ చిన్న మార్పులు మీ ఆర్థిక స్వేచ్ఛకు పునాది వేస్తాయి.

Also Read: కడుపు ఉబ్బిపోయి కనిపించిన భారీ కొండచిలువ.. పట్టుకుని పొట్ట కోసి చూడగా.. ఆశ్చర్యం.!