మార్కెట్లో అందుబాటులో ఉన్న బెస్ట్ పెన్షన్ ప్లాన్లలో కేంద్ర ప్రభుత్వం ప్రవేశపెట్టిన నేషనల్ పెన్షన్ సిస్టమ్ (ఎన్పీఎస్) ఒకటి. ఇది మార్కెట్-లింక్డ్ వలంటరీ కంట్రిబ్యూషన్ స్కీమ్. ఇది మీ పదవీ విరమణ సమయానికి అందించే మొత్తం . ఈ పథకం పోర్టబుల్, సరళమైనది, క్రమబద్ధమైనది. మీ పదవీ విరమణ ఆదాయాన్ని పెంచడానికి బాగా ఉపకరిస్తుంది. ఈ ఎన్పీఎస్ ను పెన్షన్ ఫండ్ రెగ్యులేటరీ అండ్ డెవలప్మెంట్ అథారిటీ (పీఎఫ్ఆర్డీఏ) నిర్వహిస్తుంది. ఈ పథకంలో భారతదేశంలోని పౌరులందరూ పెట్టుబడులు పెట్టొచ్చు. 18ఏళ్ల నుంచి 70 సంవత్సరాల మధ్య వయస్సు గల వారు, విదేశాలలో నివసిస్తున్న వారితో సహా ఎవరైనా పెట్టుబడులు పెట్టొచ్చు. దీనిలో మీ చెల్లించే కంట్రిబ్యూషన్ రెండు భాగాలు విభజిస్తారు. మీరు చెల్లించే మొత్తం నుంచి 40శాతాన్ని యాన్యూటీని కొనడానికి ఉపయోగిస్తారు. మరో 60% కార్పస్ పదవీ విరమణ సమయంలో ఒకేసారి మీరు విత్ డ్రా చేసుకోడానికి అందుబాటులో ఉంటుంది.
ఎన్పీఎస్ పాక్షిక ఉపసంహరణకు సంబంధించి పీఎఫ్ఆర్డీఏ కొన్ని నిబంధనలను విధించింది. జనవరి 12, 2024న ఒక సర్క్యులర్ జారీ చేసింది. ఈ నియమాలు ఫిబ్రవరి 1, 2024 నుంచి అమలులోకి వచ్చాయి. వాటి ప్రకారం ఎన్పీఎస్ ఖాతాదారులు తమ కంట్రిబ్యూషన్లలో 25 శాతం వరకు విత్ డ్రా చేసుకోవచ్చు. ఏదైనా ఎంప్లాయర్ కంట్రిబ్యూషన్లు మినహాయించవచ్చని నిబంధనలు పేర్కొంటున్నాయి.
ఉన్నత విద్య: మీ పిల్లల ఉన్నత విద్య కోసం నిధులు వెనక్కి తీసుకోవచ్చు.
వివాహం: మీరు మీ పిల్లల వివాహానికి మీ విరాళాలలో 25 శాతం వరకు ఉపసంహరించుకోవచ్చు.
లోన్ రీపేమెంట్ లేదా ఇంటి కొనుగోలు: మీరు లేదా మీ జీవిత భాగస్వామికి ఇదివరకే సొంత ఇల్లు లేని కారణంగా ఇల్లు కొనడం లేదా హెూమ్ లోన్ తిరిగి చెల్లించడం కోసం నిధులను ఉపసంహరించుకోవచ్చు.
వైద్య ఖర్చులు: ప్రమాదవశాత్తు వైకల్యాలు లేదా తీవ్రమైన అనారోగ్యాల కోసం ఆస్పత్రిలో చేరడం, చికిత్స ఖర్చులను కవర్ చేయడానికి నిధులను ఉపసంహరించుకోవచ్చు.
నైపుణ్యం లేదా వ్యాపార అభివృద్ధి: మీరు స్టార్టప్స్ ను కొనసాగించాలనుకుంటే, వ్యాపారాన్ని ప్రారంభించాలనుకుంటే లేదా స్కిల్ డెవలప్మెంట్ కోర్సులో నమోదు చేసుకోవాలనుకుంటే, మీరు డబ్బును విత్ డ్రా చేసుకోవచ్చు.
మెంబర్షిప్ వ్యవధి: మీరు కనీసం మూడేళ్లపాటు ఎన్టీఎస్లో మెంబర్ గా కొనసాగి ఉండాలి.
నిబంధనలు: మీ మొత్తం సబ్స్క్రిప్షన్ వ్యవధిలో గరిష్టంగా మూడు పాక్షిక ఉపసంహరణలు అనుమతి ఉంటుంది. ప్రతి ఉపసంహరణకు మధ్య ఐదు సంవత్సరాల కనీస గ్యాప్ ఉంటుంది.
ఉపసంహరణ పరిమితి: మీ మొత్తం కంట్రిబ్యూషన్లలో 25 శాతం మాత్రమే విత్ డ్రా చేసుకోవడానికి మీకు అనుమతి ఉంటుంది.
మీ ఎన్పీఎస్ సహకారాలలో 25 శాతం వరకు ఉపసంహరించుకోవడానికి అవకాశం ఉంటుంది. అందుకోసం మీరు ఇలా చేయాలి..
దరఖాస్తు సమర్పణ: మీరు ఎన్పీఎస్ తో కనెక్ట్ అయి ఉన్న ఏదైనా ప్రభుత్వ నోడల్ ఏజెన్సీకి దరఖాస్తును సమర్పించాలి.
స్వీయ-ప్రకటన: ఉపసంహరణ ఉద్దేశ్యాన్ని పేర్కొంటూ స్వీయ-ప్రకటనను చేర్చాలి.
ప్రాసెసింగ్: ఆ తర్వాత దరఖాస్తు ధ్రువీకరణ, ప్రాసెసింగ్ కోసం సెంట్రల్ రికార్డ్ కీపింగ్ ఏజెన్సీ (సీఆర్ఏ)కి ఫార్వార్డ్ అవుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..