Paytm UPI ID: పేటీఎం యూజర్లకు కీలక అప్ డేట్.. యాప్లోనే కొత్త యూపీఐని యాక్టివేట్ చేయొచ్చు..
పేటీఎం సేవలపై భారతీయ రిజర్వ్ బ్యాంక్ ఆఫ్ ఇండియా ఆంక్షలు విధించిన తర్వాత ప్రతి పేటీఎం వినియోగదారుడు తన యూపీఐ ఐడీని వేరే బ్యాంకులకు మార్చుకోవాల్సిన అనివార్యత ఏర్పడింది. దీంతో ప్రతి పేటీఎం వినియోగదారుడు ఇప్పుడు వేరే బ్యాంకునకు తమ పేటీఎం యూపీఐ ఐడీని మార్చుకుంటున్నారు. అంటే వారి యూపీఐ ఐడీ చివరన “@paytm” కి బదులు వేరే బ్యాంక్ ఐడీ వచ్చి చేరుతుంది.
పేటీఎం సేవలపై భారతీయ రిజర్వ్ బ్యాంక్ ఆఫ్ ఇండియా ఆంక్షలు విధించిన తర్వాత ప్రతి పేటీఎం వినియోగదారుడు తన యూపీఐ ఐడీని వేరే బ్యాంకులకు మార్చుకోవాల్సిన అనివార్యత ఏర్పడింది. దీంతో ప్రతి పేటీఎం వినియోగదారుడు ఇప్పుడు వేరే బ్యాంకునకు తమ పేటీఎం యూపీఐ ఐడీని మార్చుకుంటున్నారు. అంటే వారి యూపీఐ ఐడీ చివరన “@paytm” కి బదులు వేరే బ్యాంక్ ఐడీ వచ్చి చేరుతుంది. ఈ ప్రక్రియను పేటీఎం యాప్ నుంచి కూడా చేసే అవకాశం ఉంది. దీనికి సంబంధించిన పూర్తి వివరాలు ఇప్పుడు చూద్దాం..
ఆర్బీఐ ఆదేశాలకు అనుగుణంగా నేషనల్ పేమెంట్స్ కార్పొరేషన్ ఆఫ్ ఇండియా (ఎన్పీసీఐ) పేటీఎం పేమెంట్స్ బ్యాంక్ మాతృ సంస్థ అయిన వన్ 97 కమ్యూనికేషన్స్ (ఓసీఎల్) తన కస్టమర్ల యూపీఐ చెల్లింపులను ఇతర బ్యాంకులకు బదిలీ చేయవచ్చని పేర్కొంది.
ఎన్పీసీఐ ఓసీఎల్ తన భాగస్వామి బ్యాంకుల సహకారంతో థర్డ్-పార్టీ అప్లికేషన్ ప్రొవైడర్ (టీపీఏపీ)గా వ్యవహరించడానికి అనుమతించింది. ఈ భాగస్వామ్య బ్యాంకులైన యాక్సిస్ బ్యాంక్, హెచ్డీఎఫ్సీ బ్యాంక్, స్టేట్ బ్యాంక్ ఆఫ్ ఇండియా (ఎస్బీఐ), ఎస్ బ్యాంక్ లకు వినియోగదారులు మారొచ్చు.
కొత్త యూపీఐ హ్యాండిల్స్ ఇవి..
ఒకరి పేటీఎం యూపీఐ ఐడీని మార్చడానికి ఎటువంటి గడువు లేదు. పేటీఎం వినియోగదారులు తమ యూపీఐ ఐడీలను బదిలీ చేయాలని నిర్ణయించుకుంటే, వారి “@paytm” స్థానంలో ఆ బ్యాంకుకు సంబంధించిన కోడ్ వచ్చి చేరుతుంది. పేటీఎంతో అనుసంధానం అయిన నాలుగు బ్యాంకులు ఉపయోగించే సఫిక్స్ ఇక్కడ ఉన్నాయి.
- ఎస్బీఐ యూపీఐ హ్యాండిల్: “@ptsbi”
- హెచ్డీఎఫ్సీ బ్యాంక్ యూపీఐ హ్యాండిల్: “@pthdfc”
- యాక్సిస్ బ్యాంక్ యూపీఐ హ్యాండిల్: “@ptaxis”
- ఎస్ బ్యాంక్ యూపీఐ హ్యాండిల్: “@ptyes”
పేటీఎంలో యాప్లో కొత్త యూపీఐ హ్యాండిల్కి ఎలా మారాలంటే..
పేటీఎం ఐడీలను కొత్త బ్యాంకులకు ఎలా మార్చాలనే దానిపై స్పష్టమైన దశలను పేటీఎం జాబితా చేయలేదు. అయినప్పటికీ, చాలా మంది పేటీఎం యూపీఐ రీడర్లు తమ యాప్లో ఇప్పటికే “ముఖ్యమైన యూపీఐ హెచ్చరికలు” పొందుతున్నారు, వినియోగదారులు తమ ప్రస్తుత ఐడీని నాలుగు భాగస్వామ్య బ్యాంకులలో ఒకదానికి మార్చమని హెచ్చరిస్తున్నారు.
పేటీఎంలో మీ యూపీఐ ఐడీని మార్చడానికి ఈ స్టెప్స్ ఫాలో అవ్వండి..
- ముందుగా, మీ పేటీఎం ప్రొఫైల్ చిహ్నంపై క్లిక్ చేసి, ఆపై “యూపీఐ, పేమెంట్స్ సెట్టింగ్లు”కి నావిగేట్ చేయండి. ఇక్కడ, మీరు మీ ప్రస్తుత పేటీఎం యూపీఐ ఐడీ కనిపిస్తుంది.
- దాని పక్కన, “ఎడిట్” ఆప్షన్ మీకు కనిపిస్తుంది.
- “మేనేజ్ యూపీఐ ఐడీ” పేజీని యాక్సెస్ చేయడానికి “ఎడిట్”పై క్లిక్ చేయండి. అక్కడ నుంచి, మీరు వేరే బ్యాంక్తో కొత్త యూపీఐ ఐడీని యాక్టివేట్ చేసే ఎంపికను ఎంచుకోవచ్చు.
- మీకు ఇష్టమైన బ్యాంక్ని ఎంచుకుని, “యాక్టివ్” ఎంపికపై క్లిక్ చేయండి.
- మీ ఫోన్ నంబర్ ఎస్ఎంఎస్ ద్వారా ధ్రువీకరించుకోవాలి.
- కొన్ని సెకన్ల తర్వాత, మీ కొత్త యూపీఐ ఐడీ మీ ప్రాథమిక యూపీఐ ఐడీ అవుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..