బంగారం, వెండి కొనేందుకు ఇదే సరైన సమయమా? భారీ ధరలు ఉన్నా.. నిపుణులు ఎందుకు కొనమంటున్నారంటే?
బంగారం, వెండి ధరలు ఆల్టైమ్ రికార్డు స్థాయికి చేరుకున్నాయి. మధ్యతరగతి ప్రజలు పెట్టుబడి పెట్టాలా వద్దా అని అయోమయంలో ఉన్నారు. నిపుణుల ప్రకారం, దీర్ఘకాలిక లక్ష్యంతో పెట్టుబడిదారులు ధర తగ్గినప్పుడు కొనుగోలు చేయవచ్చు. ప్రపంచ అనిశ్చితి వంటి కారణాలతో పూర్తి ధర పతనం ఉండదు.
బంగారం, వెండి ధరలు ఆల్టైమ్ రికార్డు స్థాయికి చేరుకుంటున్నాయి. దీని కారణంగా మధ్యతరగతి ప్రజలు బంగారం కొనాలంటే భయపడాల్సిన పరిస్థితి. మరి ఇలాంటి సమయంలో బంగారం కొనాలా? వద్దా? ఇది సరైన సమయమా అని చాలా మంది అయోమయంలో ఉన్నారు. ఈ విషయంలో నిపుణులు ఇచ్చిన వివరణను ఈ పోస్ట్లో వివరంగా తెలుసుకుందాం..
దీర్ఘకాలిక లక్ష్యంతో పెట్టుబడిదారులు బంగారం ధరలో గణనీయమైన తగ్గుదల ఉన్నప్పుడు కొనుగోలు చేయవచ్చని నిపుణులు అంటున్నారు. గత కొన్ని రోజులుగా ఆల్ టైమ్ గరిష్ఠ స్థాయికి పెరిగిన తర్వాత, గత మంగళవారం బంగారం ధరలు స్వల్పంగా తగ్గాయి. దీనికి కారణం లాభాల బుకింగ్ అని చెబుతారు. అంటే బంగారంపై పెట్టుబడి పెట్టిన వారు భారీ ధరకి చేరుకోగానే అమ్మడం ప్రారంభిస్తారు. దీంతో డిమాండ్ తగ్గి ధర కూడా తగ్గుతుంది. అయితే ఈ ఏడాది ఇప్పటివరకు బంగారం 65 శాతానికి పైగా రాబడిని ఇచ్చింది.
అందువల్ల ఇది దీర్ఘకాలిక పెట్టుబడిదారులకు కొనుగోలు అవకాశం అని, కానీ పూర్తిగా ధర పతనం ఉండదని అంటున్నారు. గత దశాబ్దాలలో బంగారానికి 2025 ఉత్తమ సంవత్సరం. 50 కంటే ఎక్కువ గరిష్టాలను తాకిన తర్వాత, ఇది 60 శాతానికి పైగా లాభాన్ని కూడా ఇచ్చింది. అదేవిధంగా ఈ సంవత్సరం వెండి బంగారం కంటే మెరుగైన పనితీరు కనబరిచింది. 1971 తర్వాత వెండికి ఇదే ఉత్తమ సంవత్సరం అని చెబుతారు. 60 శాతం పెరుగుదలతో బంగారం ధరలు ఈ సంవత్సరం చివర్లో దిద్దుబాటుకు గురయ్యే అవకాశం ఉంది. అయితే ప్రాథమిక అంశాలు అలాగే ఉన్నాయి. కాబట్టి పూర్తి స్థాయి పతనాన్ని ఆశించవద్దు. ప్రపంచ అనిశ్చితి, భౌగోళిక రాజకీయ ఉద్రిక్తతలు, కేంద్ర బ్యాంకు కొనుగోళ్ల అంచనాలు, తక్కువ వడ్డీ రేట్లు, కరెన్సీ బలహీనత బంగారం బలంగా ఉండటానికి ముఖ్య కారణాలు అని ఆయన అన్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి