Gold Rates: బంగారం, వెండి ధరలు ఎందుకు తగ్గుతున్నాయి..? నగలు కొనేటప్పుడు ఈ విషయాలు మర్చిపోవద్దు

Gold Buying

Gold and Silver Prices: ఈ ఏడాది బంగారం, వెండి ధరలు నిరంతరం హెచ్చుతగ్గులకు లోనవుతున్నాయి. గతంలో తులం బంగారం ధర భారీ స్థాయిలో ఉండగా, ఇప్పుడు భారీగా దిగి వస్తోంది. అలాగే వెండి కూడా రికార్డు స్థాయిలో దూసుకుపోయింది. కానీ ఇప్పుడు సగానికి పైగా దిగి వచ్చింది. మీరు ఈరోజు బంగారం లేదా వెండి కొనాలని ప్లాన్ చేస్తుంటే, ముందుగా తాజా ధరలను తప్పకుండా తనిఖీ చేయండి. బులియన్ మార్కెట్‌లో బంగారం మరియు వెండి ధరలు ప్రతిరోజూ మారుతూ ఉంటాయి. అయితే దేశంలో బంగారం, వెండి ధరలు తగ్గడానికి అనేక కారణాలు ఉన్నాయి.

1. అమెరికా-ఇరాన్ ఒప్పందం: అమెరికా, ఇరాన్‌ల మధ్య కాల్పుల విరమణ ఒప్పందం కుదిరింది. దీనివల్ల పశ్చిమ ఆసియాలో యుద్ధ ప్రమాదం తగ్గింది. ఫలితంగా పెట్టుబడిదారులు బంగారం, వెండి వంటి “సురక్షితమైన” పెట్టుబడుల నుండి తమ డబ్బును ఉపసంహరించుకున్నారు.
2. యూఎస్ ఫెడరల్ రిజర్వ్ వైఖరి: ఫెడరల్ రిజర్వ్ ఈ సంవత్సరం వడ్డీ రేట్లను తగ్గించడం కంటే పెంచవచ్చని ఇటీవల సూచించింది. అధిక వడ్డీ రేట్ల అంచనాలు బంగారం వంటి వడ్డీ లేని లోహాల ఆకర్షణను తగ్గించే అవకాశం ఉంది.
3. బలమైన యూఎస్ డాలర్: ఫెడరల్ రిజర్వ్ నుండి వచ్చిన సంకేతాల నేపథ్యంలో ప్రపంచ మార్కెట్లలో యూఎస్ డాలర్ సూచీ బలపడింది. సాధారణంగా డాలర్ బలపడినప్పుడు అంతర్జాతీయ మార్కెట్లో బంగారం, వెండి ధరలు తగ్గుతాయి.
4. లాభాలు: ఇటీవల బంగారం, వెండి ధరలు రికార్డు స్థాయికి చేరుకున్నాయి. ఈ గణనీయమైన ధరల పెరుగుదల తరువాత పెద్ద పెట్టుబడిదారులు, వ్యాపారులు లాభాలను స్వీకరించడంతో ధరలు అకస్మాత్తుగా పడిపోయాయి.
ఇవి కూడా చదవండి

కారు లోన్‌పై EMIలు చెల్లించకపోతే బ్యాంకు కారును జప్తు చేయగలదా?

ఆ ఒక్క పొరపాటుతో లక్ష రూపాయల జరిమానా విధించిన రైల్వే..!

నెలకు చిన్న మొత్తంతోనే కోటీశ్వరులు.. SIP మ్యాజిక్‌ ట్రిక్ తెలుసా?

కేవలం రూ.50 పెట్టుబడితో చేతికి రూ.35 లక్షలు..అద్భుతమైన స్కీమ్‌..!

5. ఈటీఎఫ్‌ల అమ్మకాలు: సురక్షిత పెట్టుబడుల ఆకర్షణ తగ్గడంతో బంగారం, వెండి ఈటీఎఫ్‌లలో భారీ అమ్మకాలు చోటుచేసుకున్నాయి. ఈరోజు వెండి ఈటీఎఫ్‌లు 6%, బంగారం ఈటీఎఫ్‌లు 3% పడిపోవడంతో దేశీయ మార్కెట్ సెంటిమెంట్ కూడా పడిపోయింది.
6. ధృవీకరించిన బంగారాన్ని మాత్రమే కొనండి: బ్యూరో ఆఫ్ ఇండియన్ స్టాండర్డ్స్ (BIS) హాల్‌మార్క్‌ను కలిగి ఉన్న ధృవీకరించిన బంగారాన్ని మాత్రమే కొనండి. ఈ సంఖ్య AZ4524 వంటి ఆల్ఫాన్యూమరిక్‌గా ఉండవచ్చు. హాల్‌మార్కింగ్ బంగారం క్యారటేజ్‌ను సూచిస్తుంది.
7. ధరను సరిచూసుకోండి: కొనుగోలు చేసిన రోజున బంగారం ఖచ్చితమైన బరువును, దాని ధరను ఇండియా బులియన్ అండ్ జ్యువెలర్స్ అసోసియేషన్ వెబ్‌సైట్ ద్వారా సరిచూసుకోండి. 24 క్యారెట్, 22 క్యారెట్, 18 క్యారెట్‌లను బట్టి బంగారం ధరలు మారుతూ ఉంటాయి.

అసలైన వెండిని గుర్తించడానికి 4 మార్గాలు

• అయస్కాంత పరీక్ష: అసలైన వెండి అయస్కాంతానికి అంటుకోదు. ఒకవేళ అంటుకుంటే అది నకిలీది.
• ఐస్‌ పరీక్ష: వెండిపై ఐస్‌ను ఉంచండి. నిజమైన వెండిపై మంచు వేగంగా కరుగుతుంది.
• వాసన పరీక్ష: అసలైన వెండికి వాసన ఉండదు. నకిలీ వెండికి రాగి వాసన వస్తుంది.
• వస్త్ర పరీక్ష: వెండిని తెల్లటి వస్త్రంతో రుద్దండి. నల్లటి గుర్తు కనిపిస్తే, అది అసలైనది.

ఇది కూడా చదవండి: Bank FD: మీరు ఈ బ్యాంకులో రూ.5 లక్షల ఎఫ్‌డీ చేస్తే 60 నెలల్లో ఎంత ఆదాయం వస్తుంది?

మరిన్ని బిజినెస్ వార్తల కోసం ఇక్కడ క్లిక్ చేయండి