ICICI Fixed Deposit: హోలీ పండగకు ముందు గుడ్‌న్యూస్‌ తెలిపిన ఐసీఐసీఐ బ్యాంకు.. వడ్డీ రేట్లు పెంపు
ICICI Fixed Deposit: ప్రైవేట్ రంగానికి చెందిన ఐసీఐసీఐ బ్యాంక్ హోలీకి ముందు కస్టమర్లకు కానుక అందించింది. బ్యాంక్ ఫిక్స్డ్ డిపాజిట్ల రేట్లను మార్చింది . ICICI బ్యాంక్ వివిధ కాల..
ICICI Fixed Deposit: ప్రైవేట్ రంగానికి చెందిన ఐసీఐసీఐ బ్యాంక్ హోలీకి ముందు కస్టమర్లకు కానుక అందించింది. బ్యాంక్ ఫిక్స్డ్ డిపాజిట్ల రేట్లను మార్చింది . ICICI బ్యాంక్ వివిధ కాల వ్యవధిలో రూ 2 కోట్ల కంటే ఎక్కువ ఉన్న బల్క్ ఫిక్స్డ్ డిపాజిట్లపై (FD)లు వడ్డీ రేట్లను మార్చింది. 3 సంవత్సరాల నుండి 10 సంవత్సరాల మధ్య కాల వ్యవధిలో రూ. 2 కోట్ల కంటే ఎక్కువ, రూ. 5 కోట్ల కంటే తక్కువ డిపాజిట్లపై అత్యధిక ఫిక్స్డ్ డిపాజిట్ల రేటు 4.6 శాతం. ICICI బ్యాంక్‌లో 3 సంవత్సరాలు లేదా అంతకంటే ఎక్కువ కాలం FD పొందిన కస్టమర్లు ప్రయోజనం పొందుతారు.
2 సంవత్సరాల కంటే ఎక్కువ, 3 సంవత్సరాల కంటే తక్కువ FD లకు 4.50 శాతం వడ్డీ లభిస్తుంది. కొత్త రేట్లు 10 మార్చి 2022 నుండి అమలులోకి వచ్చాయని బ్యాంకు వెల్లడించింది. ICICI బ్యాంక్‌లో 15 నెలలు లేదా అంతకంటే ఎక్కువ 18 నెలల కంటే తక్కువ FDకి 4.2 శాతం వడ్డీ లభిస్తుంది. అదే సమయంలో 18 నెలలు లేదా 2 సంవత్సరాల కంటే తక్కువ ఫిక్స్డ్ డిపాజిట్లపై 4.3 శాతం వడ్డీ లభిస్తుంది. 1 సంవత్సరం నుండి 15 నెలల కాలానికి చేసిన FDపై వడ్డీ రేటు 4.15 శాతంగా ఉంటుంది. 1 సంవత్సరం కంటే తక్కువ FDలపై వడ్డీ రేట్లు 2.5 శాతం నుండి 3.7 శాతం వరకు నిర్ణయించింది బ్యాంకు. పైన పేర్కొన్న రేట్లు సాధారణ, సీనియర్ సిటిజన్ కేటగిరీలు రెండింటిలోనూ ఒకే విధంగా ఉంటాయి.
2 కోట్ల లోపు డిపాజిట్ల రేట్లలో ఎలాంటి మార్పు లేదు:
ఇది కాకుండా లైవ్ మింట్ నివేదిక ప్రకారం.. ఐసిఐసిఐ బ్యాంక్ రూ. 5 కోట్ల కంటే ఎక్కువ FDలపై వడ్డీ రేట్లను కూడా మార్చింది. ఈ రేట్లు దేశీయ కస్టమర్లు, NRO, NREలకు వర్తిస్తాయి. అయితే రూ.2 కోట్ల లోపు డిపాజిట్ల రేట్లలో ఎలాంటి మార్పు లేదు.
ఇవి కూడా చదవండి: