Electric Bike: మూడు సెకన్లలోనే 100 కిలోమీటర్ల స్పీడ్‌.. ఇది మామూలు ఈ-బైక్‌ కాదు! ఫీచర్లు కూడా అదిరిపోయాయి..

Davinci Motor DC 100

ప్రస్తుతం ఎలక్ట్రిక్‌ వాహనాల హవా నడుస్తోంది. అటు కార్లు, ఇటు ద్విచక్రవాహనాలు విరివిగా మార్కెట్లోకి వచ్చి పడుతున్నాయి. దిగ్గజ కంపెనీలతో పాటు పలు స్టార్టప్‌ కంపెనీలు కూడా ఎలక్ట్రిక్‌ బైక్‌ ల తయారీలో ముందుంటున్నాయి. అయితే ఇప్పటి వరకూ వచ్చిన ఎలక్ట్రిక్‌ బైక్‌ అన్నింటి రేంజ్‌ చాలా తక్కువగా ఉన్నాయి. ఇప్పుడు చైనా చెందిన ఓ కంపెనీ స్పోర్ట్స్‌ మోడల్‌లో హై స్పీడ్  బైక్‌ను ఆవిష్కరించింది. ఇటీవల యూకే మార్కెట్లోకి లాంచ్‌ చేసిన ఆ కంపెనీ ఇప్పుడు యూఎస్‌ మార్కెట్‌పై కన్నేసింది. ఇంతకీ ఆ బైక్‌ ఏంటి? దాని ఫీచర్లు ఏంటి? అది ఏ కంపెనీకి చెందినది వంటి వివరాల కోసం ఈ కథనం చదవండి..

చైనాకు చెందిన డావిన్సీ కంపెనీ..

చైనాకు చెందిన రోబోటిక్‌ ఎలక్ట్రిక్‌ మోటార్‌ సైకిల్స్‌ తయారీదారైన డావిన్సీ తన డీసీ100 ఎలక్ట్రిక్‌ ద్విచక్ర వాహనాన్ని యూనైటెడ్‌ నేషన్స్‌ లో నిర్వహించే కన్‌స్యూమర్‌ ఎలక్ట్రానిక్స్‌ షో(సీఈఎస్‌)-2023కి ఆవిష్కరించే అవకాశాలు కనిపిస్తున్నాయి. ఇప్పటికే ఈ బైక్‌ని యూకే మార్కెట్లోకి విడుదల చేసిన దాని తయారీదారులు.. తొలి సారిగా యూఎస్‌ మార్కె‌ట్‌ను టార్గెట్‌ చేశారు.

మూడు సెకన్లలో 100 కిలోమీటర్ల స్పీడ్‌..

డావిన్సీ డీసీ100 ఈ-బైక్‌ 1000 సీసీ ఇంజిన్‌తో రానుంది. ఇది కేవలం మూడు సెకన్లలోనే 0 నుంచి 100 kmph స్పీడ్‌ అందుకోవడంతో పాటు, 200 kmph టాప్‌ స్పీడ్‌లో దూసుకుపోతుంది. బ్యాటరీ కూడా ఒకసారి చార్జ్‌ చేస్తే 400 కిలోమీటర్ల మైలేజీ వస్తుంది. 3డీసీ ఫాస్ట్‌ చార్జింగ్‌ తో అరగంటలో బ్యాటరీ ఫుల్‌ చార్జ్‌ అవుతుంది. ఈ సందర్భంగా డావిన్సీ మోటార్‌ ఇంటర్‌నేషనల్‌ బిజినెస్‌ మేనేజర్‌ రొసన్నా లిబియా మాట్లాడుతూ యూఎస్‌ లో తమ మొట్టమొదటి బైక్‌ను ఆవిష్కరిస్తున్నందుకు చాలా సంతోషంగా ఉన్నామన్నారు. యూఎస్‌ సీఈఎస్‌-2023లో తమ మోడల్‌ ప్రదర్శించడంతో పాటు ప్రపంచ వ్యాప్తంగా అటెన్షన్‌ డ్రా చేయడానికి దీనిని ఒక వేదికగా ఉపయోగించుకుంటామన్నారు.

మరిన్ని బిజినెస్ వార్తల కోసం..