BSNL Holi Offer: బీఎస్‌ఎన్‌ఎల్‌ హోలీ ధమాకా.. ఈ ప్లాన్‌పై 30 రోజులు అదనపు వ్యాలిడిటీ!

మీరు భారత్ సంచార్ నిగమ్ లిమిటెడ్ (BSNL) కస్టమర్ అయితే మీకో శుభవార్త. మొబైల్ వరల్డ్ కాంగ్రెస్‌లో బిఎస్‌ఎన్‌ఎల్ తన 9 కోట్లకు పైగా వినియోగదారుల కోసం హోలీ ధమాకా ఆఫర్‌ను ప్రవేశపెట్టింది. ఈ ఆఫర్ కింద రీఛార్జ్ ప్లాన్ చెల్లుబాటును ఒక నెల పెంచుతున్నట్లు కంపెనీ ప్రకటించింది. అంటే కంపెనీ ఈ ప్లాన్‌లో 30 రోజుల చెల్లుబాటును ఉచితంగా అందిస్తోంది. ఈ నిర్ణయం వల్ల తన కస్టమర్ల సంఖ్య పెరుగుతుందని బీఎస్‌ఎన్‌ఎల్ ఆశిస్తోంది.

బిఎస్ఎన్ఎల్ ఇప్పుడు తన రూ. 2,399 రీఛార్జ్ ప్లాన్‌తో 30 రోజుల అదనపు చెల్లుబాటును ఇస్తోంది. గతంలో ఈ ప్లాన్ 395 రోజుల చెల్లుబాటును అందించేది. కానీ ఇప్పుడు దీని మొత్తం చెల్లుబాటు 425 రోజులు. బిఎస్ఎన్ఎల్ ప్రీపెయిడ్ ప్లాన్‌లో భారతదేశం అంతటా అపరిమిత కాలింగ్, ఉచిత రోమింగ్, ఢిల్లీ – ముంబైలోని ఎంటిఎన్ఎల్ నెట్‌వర్క్‌లో కాంప్లిమెంటరీ కాలింగ్ ఉన్నాయి. దీనితో పాటు ఈ బీఎస్‌ఎన్‌ఎల్‌ ప్లాన్‌లో 60GB డేటా కూడా పూర్తిగా ఉచితంగా లభిస్తుంది.

100 SMSలు ఉచితంగా:

ఈ ప్లాన్ వినియోగదారులు రోజుకు 2GB హై-స్పీడ్ డేటా, 100 ఉచిత SMSలను పొందుతారు. ఇది మొత్తం 850GB డేటాకు సమానం. ఇది కాకుండా అన్ని బీఎస్‌ఎన్‌ఎల్‌ మొబైల్ వినియోగదారులకు BiTV ఉచిత సభ్యత్వాన్ని అందిస్తోంది. ఇది అనేక OTT అప్లికేషన్లకు ఉచిత యాక్సెస్‌ను కూడా అందిస్తోంది.

దేశవ్యాప్తంగా 100,000 4G టవర్లను ఏర్పాటు:

తన సేవలను మరింత మెరుగుపరచడానికి బీఎస్‌ఎన్‌ఎల్‌ తన నెట్‌వర్క్ మౌలిక సదుపాయాలపై కూడా పనిచేస్తోంది. ఈ సంవత్సరం ప్రథమార్థం నాటికి దేశవ్యాప్తంగా 100,000 కొత్త 4G టవర్లను ఏర్పాటు చేయాలని కంపెనీ యోచిస్తోంది. గత ఒక సంవత్సరం కాలంగా బీఎస్‌ఎన్‌ఎల్‌ అన్ని టెలికాం సర్కిల్‌లలో తన నెట్‌వర్క్‌ను చురుకుగా అప్‌గ్రేడ్ చేస్తోంది. ఇప్పటికే 65,000 కంటే ఎక్కువ 4G మొబైల్ టవర్లు పనిచేస్తున్నాయి. మిగిలిన టవర్లు రాబోయే నెలల్లో ఆన్‌లైన్‌లోకి వస్తాయని, వినియోగదారులకు మరింత మెరుగైన కనెక్టివిటీని హామీ ఇస్తున్నాయని భావిస్తున్నారు.

ఇది కూడా చదవండి: Aadhaar Biometric Lock: ఆధార్‌ బయోమెట్రిక్‌ను ఆన్‌లైన్‌లో ఎలా లాక్‌ చేయాలి? ఇన్ని రకాలుగా చేయొచ్చా!

మరిన్ని బిజినెస్ వార్తల కోసం ఇక్కడ క్లిక్ చేయండి