Basement Brick: బేస్మెంట్ నిర్మాణంలో ఎన్ని ఇటుకలు అవసరం.. సివిల్ ఇంజనీర్ పద్దతిలో లెక్కలు ఇవే..!
Basement Brick: బేస్‌మెంట్‌కు ఇటుకల సంఖ్యను లెక్కించి సమయం వృథా చేయకుండా, సివిల్ ఇంజనీర్ సూచించిన సులభ ఫార్ములాను ఉపయోగించండి. రన్నింగ్ ఫీట్, ఎత్తు, గోడ మందంతో ఘనపుటడుగులను లెక్కించి, దానిని 12తో గుణించడం ద్వారా అవసరమైన మొత్తం ఇటుకలను తక్షణమే తెలుసుకోవచ్చు..
Basement Brick Calculation: నిర్మాణ పనుల్లో ఇటుకల సంఖ్యను ఖచ్చితంగా లెక్కించడం అనేది సమయాన్ని ఆదా చేయడమే కాకుండా, వ్యర్థాలను తగ్గించడంలో కూడా కీలక పాత్ర పోషిస్తుంది. సాధారణంగా మేస్త్రీలు లేదా కార్మికులు ఇటుకలను ఒకటి రెండుగా లెక్కించడంలో ఎక్కువ సమయాన్ని వెచ్చిస్తారు. అయితే, కాకినాడకు చెందిన ఓ సివిల్ ఇంజనీర్ బేస్మెంట్ నిర్మాణానికి అవసరమైన ఇటుకలను త్వరగా, ఖచ్చితంగా లెక్కించేందుకు ఒక సులభమైన ఇంజనీరింగ్ ఫార్ములాను వివరించారు. ఈ పద్ధతి ప్రకారం, ముందుగా బేస్మెంట్ మొత్తం క్విబిక్ ఫీట్ (Cubic Feet – CFT) పరిమాణాన్ని కనుగొనాలి. దీనికోసం కింది ఫార్ములాను ఉపయోగించాలి.
క్విబిక్ ఫీట్ (CFT) = రన్నింగ్ ఫీట్ × ఎత్తు × గోడ మందం
ఉదాహరణకు ఒక బేస్మెంట్ రన్నింగ్ ఫీట్ 160 అడుగులు, ఎత్తు 4 అడుగులు, గోడ మందం 9 అంగుళాలు (ఇది ఫీట్లలో 0.75 అడుగులు) అనుకుంటే లెక్క ఇలా ఉంటుంది:
160 (రన్నింగ్ ఫీట్) × 4 (ఎత్తు) × 0.75 (గోడ మందం) = 480 క్విబిక్ ఫీట్ (CFT). ఒక క్విబిక్ ఫీట్‌కు సగటున 12 ఇటుకలు అవసరం అవుతాయి. అందుకే మొత్తం ఇటుకల సంఖ్యను కనుగొనడానికి క్విబిక్ ఫీట్ పరిమాణాన్ని 12తో గుణించాలి:
మొత్తం ఇటుకలు = ఘనపుటడుగులు (CFT) × 12
పై ఉదాహరణను కొనసాగిస్తూ: 480 (CFT) × 12 = 5,760 ఇటుకలు.
ఈ సులభమైన ఇంజనీరింగ్ ఫార్ములాను ఉపయోగించి, నిర్మాణ పనుల్లో సమయాన్ని ఆదా చేసుకోవచ్చు. ఇది కేవలం బేస్మెంట్ నిర్మాణానికే కాకుండా, గోడల నిర్మాణానికి అవసరమైన ఇటుకలను లెక్కించేందుకు కూడా ఉపయోగపడుతుంది.
ఇది కూడా చదవండి: Best Smartphones: రూ.15 వేలలోపు 5 బెస్ట్‌ 5G స్మార్ట్‌ ఫోన్లు ఇవే.. అద్భుతమైన ఫీచర్స్‌..!
మరిన్ని బిజినెస్ వార్తల కోసం ఇక్కడ క్లిక్ చేయండి