April Bank Holidays: వినియోగదారులకు అలర్ట్.. ఏప్రిల్ నెలలో బ్యాంకులకు భారీగా సెలవులు!
Bank Holidays in April 2026: బ్యాంకు శాఖలు మూసి ఉన్నప్పటికీ, ఖాతాదారులకు ఎలాంటి ఇబ్బంది కలగకుండా డిజిటల్ సేవలు అందుబాటులో ఉంటాయి. UPI (GPay, PhonePe) ద్వారా లావాదేవీలు చేసుకోవచ్చు. ఇంటర్నెట్ బ్యాంకింగ్, మొబైల్ బ్యాంకింగ్ యాప్స్ యథావిధిగా పనిచేస్తాయి. నగదు ఉపసంహరణ కోసం ATM సేవలు నిరంతరం అందుబాటులో ఉంటాయి. బ్యాంకుకు వెళ్లే పని ఉంటే, పైన పేర్కొన్న సెలవులను దృష్టిలో ఉంచుకుని మీ పనులను ముందుగానే ప్లాన్ చేసుకోండి.
2026 ఏప్రిల్ నెలలో పండుగలు, వార్షిక ముగింపు, వారాంతపు సెలవుల కారణంగా అనేక రోజులు బ్యాంకులు పనిచేయవు. ఏయే రోజుల్లో బ్యాంకులకు సెలవులు ఉన్నాయో చూద్దాం.. ఈ రోజు రామనవమి. ఈ సందర్భంగా అనేక రాష్ట్రాల్లో బ్యాంకులు మూసి ఉంటాయి. ఇప్పుడు నెల ముగింపుకు వస్తున్న తరుణంలో, వచ్చే నెల అంటే ఏప్రిల్లో బ్యాంకులు ఎన్ని రోజులు మూసి ఉంటాయో మీకు తెలుసా? ఏప్రిల్ 2026లో పలు సెలవుల కారణంగా భారతదేశవ్యాప్తంగా బ్యాంకులు మూసి ఉంటాయి. రిజర్వ్ బ్యాంక్ ఆఫ్ ఇండియా (RBI) ప్రకారం నెల మొదటి రోజు, అంటే ఏప్రిల్ 1న బ్యాంకులు మూసి ఉంటాయి. దీనిని ఆర్థిక ఖాతాల వార్షిక ముగింపు రోజుగా పాటిస్తారు. ఇది తప్పనిసరి సెలవుదినం కాబట్టి, దేశవ్యాప్తంగా చాలా బ్యాంకులు మూసి ఉంటాయి.
ఇది కూడా చదవండి: నిమ్మకాయలు నెల రోజుల పాటు తాజాగా ఉండాలా? ఈ చిట్కాలు పాటించండి!
ముఖ్యమైన సెలవు దినాలు:
- ఏప్రిల్ 1 (బుధవారం): ఆర్థిక సంవత్సర ముగింపు కారణంగా దేశవ్యాప్తంగా దాదాపు అన్ని బ్యాంకులూ మూతపడతాయి.
- ఏప్రిల్ 2 (గురువారం): మౌండీ థర్స్ డే (Maundy Thursday) సందర్భంగా కొచ్చి, తిరువనంతపురంలో సెలవు.
- ఏప్రిల్ 3 (శుక్రవారం): గుడ్ ఫ్రైడే సందర్భంగా దేశంలోని మెజారిటీ రాష్ట్రాల్లో బ్యాంకులు పనిచేయవు.
- ఏప్రిల్ 14 (మంగళవారం): డాక్టర్ బి.ఆర్. అంబేద్కర్ జయంతి, తమిళ నూతన సంవత్సరం, బైసాఖీ వంటి పండుగల సందర్భంగా వివిధ రాష్ట్రాల్లో సెలవు.
- ఏప్రిల్ 15 (బుధవారం): బెంగాలీ నూతన సంవత్సరం, హిమాచల్ దివస్ సందర్భంగా కోల్కతా, అగర్తల, గువహటి, షిమ్లా, కొచ్చి వంటి నగరాల్లో సెలవు.
- ఏప్రిల్ 16 (గురువారం): బొహాగ్ బిహు సందర్భంగా గువహటిలో బ్యాంకులు మూతపడతాయి.
- ఏప్రిల్ 20 (సోమవారం): బసవ జయంతి / అక్షయ తృతీయ సందర్భంగా బెంగళూరుతో సహా పలు రాష్ట్రాల్లో సెలవు.
- ఏప్రిల్ 21 (మంగళవారం): గారియా పూజ సందర్భంగా అగర్తలలో సెలవు.
ఇది కూడా చదవండి: Gold Price Today: మళ్లీ మొదలైందిరా బాబోయ్.. బంగారం, వెండి ధరలు పరుగులే.. పరుగులు!
వారాంతపు సెలవులు:
- ఆదివారాలు: ఏప్రిల్ 5, 12, 19, 26 తేదీల్లో దేశవ్యాప్తంగా బ్యాంకులు పనిచేయవు.
- రెండవ శనివారం: ఏప్రిల్ 11న బ్యాంకులు మూతపడతాయి.
- నాలుగవ శనివారం: ఏప్రిల్ 25న బ్యాంకులకు సెలవు.
బ్యాంకు శాఖలు మూసి ఉన్నప్పటికీ, ఖాతాదారులకు ఎలాంటి ఇబ్బంది కలగకుండా డిజిటల్ సేవలు అందుబాటులో ఉంటాయి. UPI (GPay, PhonePe) ద్వారా లావాదేవీలు చేసుకోవచ్చు. ఇంటర్నెట్ బ్యాంకింగ్, మొబైల్ బ్యాంకింగ్ యాప్స్ యథావిధిగా పనిచేస్తాయి. నగదు ఉపసంహరణ కోసం ATM సేవలు నిరంతరం అందుబాటులో ఉంటాయి. బ్యాంకుకు వెళ్లే పని ఉంటే, పైన పేర్కొన్న సెలవులను దృష్టిలో ఉంచుకుని మీ పనులను ముందుగానే ప్లాన్ చేసుకోండి.
ఇది కూడా చదవండి: LPG Gas: సంచలన నిర్ణయం.. వీరికి నిలిచిపోనున్న గ్యాస్ బుకింగ్ సేవలు..!
మరిన్ని బిజినెస్ వార్తల కోసం ఇక్కడ క్లిక్ చేయండి