ATM Pin: ఏటీఎంలో Cancel బటన్ రెండు సార్లు నొక్కితే పిన్‌ దొంగతనాన్ని నివారించవచ్చా?

ATM Transaction: భారతదేశంలో ATM మోసం ఒక ప్రధాన ఆందోళనగా ఉంది. మోసగాళ్ళు డబ్బు, సున్నితమైన కార్డ్ హోల్డర్ డేటాను దొంగిలించడానికి కార్డ్ స్కిమ్మింగ్, సోషల్ ఇంజనీరింగ్, సాఫ్ట్‌వేర్ దోపిడీ వంటి పద్ధతులను ఉపయోగిస్తున్నారు. ఇటీవల ATMలో ప్రతి లావాదేవీకి ముందు “‘cancel’ బటన్‌ను రెండుసార్లు నొక్కడం ద్వారా పిన్ దొంగతనాన్ని నివారించవచ్చని పేర్కొంటూ సోషల్ మీడియాలో ఒక సందేశం వైరల్ అవుతోంది. మరి ఇందులో నిజమెంత? నిజంగానే రెండు సార్లు క్యాన్సిల్‌ బటన్‌ నొక్కితే మోసాలను నివారించవచ్చా?

వైరల్ సందేశం ఏమిటి?

ఈ సందేశాన్ని రిజర్వ్ బ్యాంక్ ఆఫ్ ఇండియా (RBI)కి ఆపాదించారు. కానీ ప్రభుత్వ వాస్తవ తనిఖీ సంస్థ ప్రెస్‌ ఇన్ఫర్మేషన్‌ బ్యూరో (PIB) ఫ్యాక్ట్‌ చెక్‌ బృందం క్లారిటీ ఇచ్చింది. ఇందులో ఏ మాత్రం నిజం లేదని, ఇది వైరల్‌ అవుతున్న సందేశం పూర్తిగా అబద్దమని తేల్చి చెప్పింది. కీప్యాడ్‌ను ట్యాంపరింగ్ చేయకుండా ఉండటానికి ఈ అలవాటును అలవర్చుకోవాలని సందేశం వినియోగదారులను కోరుతోంది. “ATM నుండి డబ్బులు డ్రా చేసేటప్పుడు చాలా ఉపయోగకరమైన చిట్కా. కార్డు పెట్టే ముందు ‘రద్దు చేయి’ బటన్‌ను రెండుసార్లు నొక్కండి. ఎవరైనా మీ PIN కోడ్‌ను దొంగిలించడానికి కీప్యాడ్‌ను సెట్ చేసి ఉంటే, ఇది సెటప్‌ను రద్దు చేస్తుంది. దయచేసి మీ అన్ని లావాదేవీలలో దీనిని అలవాటు చేసుకోండి. దీన్ని మీ వ్యక్తులతో పంచుకోండి” సందేశంలో ఉంది.

A post falsely attributed to @RBI claims that pressing ‘cancel’ twice on an ATM before a transaction can prevent PIN theft#PIBFactCheck

❌This statement is FAKE & has NOT been issued by RBI

✔️Keep transactions secure

✅Conduct fund transfer in private

✅Conduct fund… pic.twitter.com/hTT64E5bVa

— PIB Fact Check (@PIBFactCheck) May 6, 2025

సందేశం పూర్తిగా అబద్దం

అయితే, ప్రెస్ ఇన్ఫర్మేషన్ బ్యూరో (PIB) ఫ్యాక్ట్ చెక్ బృందం ఈ వాదనను తిరస్కరించింది. ఇది పూర్తిగా అబద్ధం, తప్పుదారి పట్టించేదిగా పేర్కొంది. ఈ పోస్ట్ RBI జారీ చేయలేదని లేదా దీనికి ఎటువంటి సాంకేతిక ఆధారం లేదని PIB తన అధికారిక X (గతంలో ట్విట్టర్) హ్యాండిల్ ద్వారా స్పష్టం చేసింది.

మరిన్ని బిజినెస్ వార్తల కోసం ఇక్కడ క్లిక్ చేయండి