Income Tax Returns Scam: మరో నయా మోసం వెలుగులోకి.. ఇన్‌కమ్ ట్యాక్స్ అని చెప్పి కొట్టేస్తారు.. జాగ్రత్త

ఈ రోజుల్లో డబ్బు, బ్యాంకింగ్ స్కామ్‌లు సర్వసాధారణంగా మారాయి. ముఖ్యంగా ఇటీవల కాలంలో ఓటీపీ ఫ్రాడ్‌లు బాగా ఎక్కువగా జరుగుతున్నాయి. ఏ మాత్రం అజాగ్రత్తగా ఉన్నా మన బ్యాంక్‌లోని సొమ్ము మాయం అవుతుంది. అయితే ప్రస్తుతం కొనసాగుతున్న ఆదాయపు పన్ను రిటర్న్స్ సీజన్‌లో స్కామర్‌లు ఈ ప్రక్రియను కూడా వినియోగించుకుంటున్నారు. ముఖ్యంగా వినియోగదారులను మోసగించాలనే లక్ష్యంతో ప్రముఖ భారతీయ బ్యాంకుల నుంచి వచ్చినట్లు ఖాతాదారులకు టెక్స్ట్ మెసేజ్‌లు చేస్తున్నారు. ముఖ్యంగా స్కామర్లు బ్యాంక్ ఖాతా బ్లాక్ అవుతుందని పేర్కొంటూ నకిలీ  మెసేజ్‌లను పంపుతున్నారు. అలాగే వారి ఖాతాల్లో పాన్, ఆధార్ కార్డ్ సమాచారాన్ని నవీకరించమని అడుగుతున్నారు. ఈ మెసేజ్‌ల్లో ఆండ్రాయిడ్ ప్యాకేజీ (ఏపీకే) ఫైల్‌ను డౌన్‌లోడ్ చేయడానికి వీలుగా లింక్‌ను పంపుతున్నారు. ఏపీకే ఫైల్‌తో లింక్ చేసిన యాప్‌ను ఇన్‌స్టాల్ చేసుకుంటే యాప్ నిజమైన బ్యాంక్ అప్లికేషన్‌ను పోలి ఉంటుంది. ఆ యాప్‌లో బ్యాంకింగ్ వివరాలు నమోదు చేయాలి? అని అడుగుతుంది. నమోదు చేసిన వెంటనే ఓటీపీ ద్వారా మోసగాళ్లు మన అకౌంట్ నుంచి సొమ్మును తస్కరిస్తారు. ఈ తరహా మోసాలు వినియోగదారులను కాకుండా బ్యాంక్ బ్రాండ్‌లను దుర్వినియోగం చేస్తుంది. ముఖ్యంగా ఏపీకే గ్రహీత లాగిన్, పాస్‌వర్డ్, డెబిట్ కార్డ్ నంబర్, ఏటీఎంపిన్‌ను పొందేందుకు ప్రయత్నిస్తారని పలు నివేదికలు వెల్లడిస్తున్నాయి. 

ఆదాయపు పన్ను రిటర్న్ స్కామ్ అంటే ఏమిటి?

ప్రస్తుతం స్కామర్లు ఆదాయపు పన్ను రిటర్న్ ఫైలింగ్ చేసే వ్యక్తులను లక్ష్యంగా చేసుకుంటున్నారు. స్కామర్‌లు నిర్దిష్ట బ్యాంక్ నుంచి వచ్చినట్లు టెక్ట్స్ మెసేజ్‌లు పంపుతారు., హానికరమైన ఆండ్రాయిడ్ ప్యాకేజీ (ఏపీకే) ఫైల్‌ను డౌన్‌లోడ్ చేయడానికి లింక్‌‌ను అడుగుతుంది. ఈ యాప్‌ను ఇన్‌స్టాల్ చేస్తే ఏపీకే ఫైల్ నిజమైన వాటిలా కనిపించే నకిలీ బ్యాంక్ లాగిన్ పేజీలను తెరుస్తుంది. గ్రహీత ఈ పేజీలలో ఏదైనా వ్యక్తిగత సమాచారాన్ని నమోదు చేస్తే, డేటా బ్యాంక్‌కు బదులుగా దాడి చేసే వారి సొంత రిమోట్ సర్వర్‌కు చేరుతుంది. ఈ హానికరమైన ఏపీకే ఇన్‌కమింగ్ ఎస్ఎంఎస్ టెక్స్ట్‌లను చదవగల సామర్థ్యాన్ని కలిగి ఉంటుంది. అంటే బ్యాంక్‌లు ఇచ్చే ఓటీపీ కోడ్‌లను మన అనుమతి లేకుండానే సంగ్రహించవచ్చు.

స్కామ్ నుంచి రక్షణ ఇలా 

బ్యాంకుల నుంచి వచ్చిన టెక్ట్స్ మెసేజ్‌లపై సందేశాలపై గ్రహీతలు జాగ్రత్తగా ఉండాలి. ముఖ్యంగా స్వీకర్తలు సందేశాల నుంచి ఏ యాప్‌ను డౌన్‌లోడ్ చేయకూడదు. ముఖ్యంగా ఇలాంటి మెసేజ్‌లు వస్తున్నట్లు అనిపిస్తే దగ్గర్లోని బ్యాంక్ శాఖను సంప్రదించాలి.

మరిన్ని బిజినెస్ వార్తల కోసం ఇక్కడ క్లిక్ చేయండి