Amul Milk: వినియోగదారులకు షాకిచ్చిన అమూల్‌.. పాల ధరలు పెంపు!

మదర్ డెయిరీ తర్వాత ఇప్పుడు అమూల్ కూడా పాల ధరను రూ.2 పెంచింది. మంగళవారం రాత్రి ముందుగా మదర్ డెయిరీ పాల ధరను రూ.2 పెంచింది. ఇది ఏప్రిల్ 30 బుధవారం నుండి దేశవ్యాప్తంగా అమల్లోకి వచ్చింది. అమూల్ పాల కొత్త ధర మే 1 గురువారం నుండి దేశవ్యాప్తంగా వర్తిస్తుంది. ఢిల్లీ-ఎన్‌సిఆర్‌లో మదర్ డెయిరీ టోన్డ్ (బల్క్ వెండ్) పాల ధర లీటరుకు రూ.54 నుంచి రూ.56కి పెరుగుతుంది. ఫుల్ క్రీమ్ మిల్క్ ధర లీటరుకు రూ.68 నుంచి రూ.69కి పెరుగుతుంది. దీనితో పాటు టోన్డ్ మిల్క్ (పౌచ్) ధరను లీటరుకు రూ.56 నుండి రూ.57కి పెంచారు. డబుల్ టోన్డ్ పాల ధర లీటరుకు రూ.49 నుంచి రూ.51కి పెరిగింది. ఆవు పాల ధర లీటరుకు రూ.57 నుంచి రూ.59కి పెరిగింది.

గత కొన్ని నెలల్లో ధర 4 నుండి 5 రూపాయలు పెరిగింది:

మదర్ డెయిరీ అధికారి మాట్లాడుతూ.. సేకరణ ఖర్చు నిరంతరం పెరుగుతోంది. గత కొన్ని నెలలుగా ధరలు లీటరుకు 4-5 రూపాయలు పెరిగాయి. మదర్ డెయిరీ తన సొంత అవుట్‌లెట్‌లు, సాధారణ వాణిజ్యం, ఇ-కామర్స్ ప్లాట్‌ఫామ్‌ల ద్వారా ఢిల్లీ-ఎన్‌సిఆర్ మార్కెట్‌లో రోజుకు దాదాపు 35 లక్షల లీటర్ల పాలను విక్రయిస్తుంది. రైతుల జీవనోపాధికి మద్దతు ఇస్తూనే వినియోగదారులకు నాణ్యమైన పాలు నిరంతరం అందుబాటులో ఉండేలా చూసుకోవడానికి కట్టుబడి ఉన్నామని ఆయన అన్నారు.

పాడి రైతుల నుండి ముడి పాల సేకరణ ఖర్చు పెరగడం వల్ల ధరల పెరుగుదలకు కారణమని మదర్ డెయిరీ పేర్కొంది. గత కొన్ని నెలలుగా పాల కొనుగోలుకు అధిక ధరలు చెల్లించినప్పటికీ, తాము ధరలను పెంచలేదని మదర్ డెయిరీ తెలిపింది. దీనికి తోడు దేశవ్యాప్తంగా వేడి కారణంగా పాల ఉత్పత్తి మరింత ప్రభావితమయ్యే అవకాశం ఉందని తెలిపింది.

మరిన్ని బిజినెస్ వార్తల కోసం ఇక్కడ క్లిక్