మళ్లీ వక్రబుద్ది ప్రదర్శిస్తోన్న పాక్‌..

వక్రబుద్దికి కేరాఫ్ అడ్రస్ పాకిస్థాన్‌ అని చెప్పవచ్చు. నిత్యం కుట్రలు, కుతంత్రాలకు తెరలేపడం ఆనవాయితీగా వస్తోంది. ఎన్ని సార్లు భారత సైన్యం పాక్ వక్రబుద్దికి చెక్ పెట్టినా.. ఏమాత్రం  మార్పు రావడం లేదు. గత మార్చి నెల నుంచి తరచూ కాల్పుల విరమణ ఒప్పందానికి తూట్లు పొడుస్తూ.. తన వక్రబుద్దిని ప్రదర్శిస్తోంది. తాజాగా శనివారం మరోసారి పూంచ్ జిల్లాలో కాల్పులకు తెగబడింది. సరిహద్దులోని కైరాన్ సెక్టార్‌ వద్ద కాల్పులకు దిగింది. అధికారులు తెల్పిన వివరాల ప్రకారం.. శనివారం ఉదయం 10 గంటలకు పాక్.. సరిహద్దు వెంట కాల్పులకు దిగింది. అయితే భారత సైన్యం కూడా.. పాక్‌కు ధీటుగా ఎదురుకాల్పులకు దిగింది. ఈ మధ్య పాక్ నిత్యం కాల్పుల విరమణకు తూట్లు పొడుస్తూ సరిహద్దు వెంట కాల్పులకు దిగుతుందని అధికారులు స్పష్టం చేశారు.