Breaking News
  • భారత్‌లో కరోనా వైరస్ స్వైరవిహారం చేస్తోంది. రోజురోజుకూ రికార్డు స్థాయిలో కరోనా కేసులు నమోదవుతుండటం ప్రజలను ఆందోళన కలిగిస్తోంది. గడిచిన 24 గంటల్లో దేశంలో అత్యధికంగా 28,637 కరోనా కేసులు నమోదైనట్లు కేంద్ర ఆరోగ్య మంత్రిత్వ శాఖ తాజాగా హెల్త్ బులిటెన్ విడుదల చేసింది.
  • అమరావతి మండలం ముత్తాయపాలెం బ్యాంక్ ని మోసం చేసిన కేసులో ఉన్నతాధికారులు సీరియస్. బ్యాంకుకు తనఖా పెట్టిన భూమిని ఏవిధంగా ప్రభుత్వానికి విక్రయించారంటూ ఆరా తీస్తున్న అధికారులు. ఇప్పటికే ప్రారంభమయిన పోలీసు దర్యాప్తు.
  • విజయవాడ: ఆత్రేయపురం ప్రేమకథ సినిమా పేరుతో మోసం. చైతన్య క్రియేషన్ బ్యానర్ పై సినిమా అంటూ యువతులకు వల. అమరావతి శివక్షేత్రంలో సినిమా ప్రారంభం అంటూ రిబ్బన్ కటింగ్ చేసిన గుంటూరు జిల్లాకు చెందిన రెంవత్ బిక్షా . విజయవాడ, గుంటూరు జిల్లాకు చెందిన యువతులను హీరోయిన్లుగా చేస్తానంటూ చీటింగ్.
  • తిరుపతి.... డయిల్ యువర్ ఈఓ కార్యక్రమంలో టీటీడీ ఈఓ అనిల్ కుమార్ సింఘాల్.... శ్రీవారికి భక్తులు కానుకగా ఇచ్చే ప్రతి రూపాయి సద్వినియోగం చేసుకుంటాం. నిధులు దుర్వినియోగం కానీయం. నెలరోజుల్లో 16.73 కోట్లు శ్రీవారికి హుండీ ద్వారా ఆదాయం లభించింది.
  • ఆత్రేయపురం ప్రేమకథ దర్శకుడు దేవరాయ రమేష్ అలియాస్ రవితేజ అలియాస్ రావణ్ బిక్షూ. నేను ఎవరి దగ్గర డబ్బులు తీసుకోలేదు. డబ్బులు తీసుకున్నట్లు నిరూపించాలి. ఆధారాలు టివి9 కే అందించాలి. ఎటువంటి కేసులు ఎదుర్కోవటానికైనా సిద్దంగా ఉన్నా. నా దగ్గర స్ర్కిప్టు తీసుకెళ్ళిన కో డైరెక్టర్ భార్గవి నాపైనే ఆరోపణలు చేస్తోంది. హీరో, ఇతర ఆర్టిస్ట్ లతో ఫోన్ లో మాట్లాడిన రావణ్ భిక్షూ.
  • హైదరాబాద్ లో మాయమైన సండే సందడి. చాలా ఏరియా లలో కనిపిస్తున్న కర్ఫ్యూ వాతావరణం . షాపులు...మాల్స్ ..రెస్టారెంట్లు..తెరిచి ఉన్నా కన్పిపించని పబ్లిక్. ఆదివారం మార్కెట్ లలో సైతం అనంతం మాత్రం గానే కొనుగోలుదారు. కళ్లకు కట్టినట్టు కనిపిస్తున్న కరోనా భయం. ఇళ్లకే పరిమితం అవుతున్న జనం. హైదరాబాద్ లో పెరుగుతున్న అధిక కేసులతో ... అలర్ట్ అయిన పబ్లిక్.
  • నగరంలో మరొకసారి ఆక్సిజన్ సిలిండర్ల పట్టివేత. ముషీరాబాద్ లో 34 సిలెండర్లని ఆక్సిజన్ సిలిండర్ ను సీజ్ చేసిన అధికారులు. అనుమతులు లేకుండా సిలిండర్ విక్రయిస్తున్న బాబా ట్రేడర్స్. అధిక ధరకు సిలిండర్లను అమ్ముతున్న సర్దార్ ఖాన్ ను అరెస్టు చేసిన నార్త్ జోన్ టాస్క్ ఫోర్స్ అధికారులు.

బీజేపీ ఎంపీని కలిసిన టీఆర్ఎస్ ఎమ్మెల్యే.. అసలేం జరుగుతోంది..?

Bodhan TRS MLA Shakeel meets BJP MP Aravind, బీజేపీ ఎంపీని కలిసిన టీఆర్ఎస్ ఎమ్మెల్యే.. అసలేం జరుగుతోంది..?

తెలంగాణ కేబినెట్ విస్తరణ.. అధికార పార్టీలో విభేదాలు తెచ్చినట్లు కనిపిస్తోంది. కేబినెట్ విస్తరణలో భాగంగా పదవులు దక్కని ఆశావహులు తమ నిరసన గళాన్ని ఒక్కొక్కరిగా వినిపిస్తున్నారు. విస్తరణ కంటే ముందుగానే ఇద్దరి మంత్రి పదవులు పొతున్నాయంటూ వార్తలు పుకార్లు షికార్లు చేశాయి. ఈ కోవలో ఆ మంత్రి పార్టీకి ఓనర్ నేనే అంటూ వ్యాఖ్యలు కూడా చేసి.. పెద్ద చర్చకే దారితీశారు. ఆ తర్వాత ఆ సమస్య సద్దుమణిగింది. మంత్రి పదవి కూడా అలానే ఉంది. అయితేనేం.. ఆ తర్వాత మరో ఇద్దరు మాజీ మంత్రులు, ప్రస్తుత ఎమ్మెల్యేగా ఉన్న వారు సీఎం తీరుపై మండిపడ్డారు. మాజీ హోం మంత్రి నాయిని నర్సింహా రెడ్డి అయితే ఎకంగా తనని సీఎం కేసీఆర్ మోసం చేశారంటూ ఆరోపించారు. ఆ తర్వాత మా అధినేత కేసీఆర్ అంటూ తెలిపారు.

మంత్రి పదవి దక్కని కొందరు టీఆర్ఎస్ నేతలు అసంతృప్తి వ్యక్తం చేయడం… వారిని టీఆర్ఎస్ నాయకత్వం బుజ్జగించడం కొద్దిరోజులుగా జరుగుతోంది. అయితే వీరిలో కొంత మంది అధికార పార్టీకి చెందిన ఎమ్మెల్యేలు.. పార్టీ మారుతున్నారంటూ వార్తలు వెలువడ్డాయి. రాబోయే 17th సెప్టెంబర్ తెలంగాణ విమోచన దినోత్సం రోజులు చాలా మంది బీజేపీలో చేరుతారంటూ వార్తలు వచ్చాయి. అయితే అవన్నీ వట్టి మాటాలే.. అంటూ బీజేపీ అధికార ప్రతినిధి కూడా తెలిపారు. అయితే మంత్రి పదవి దక్కకపోవడంతో అసంతృప్తిగా ఉన్న టీఆర్ఎస్ ఎమ్మెల్యే షకీల్.. నిజామాబాద్ ఎంపీ ధర్మపురి అరవింద్‌ను కలవడం ఇప్పుడు హాట్ టాపిక్‌గా మారింది. అరవింద్‌ను కలవడంతో ఆయన పార్టీ మారతారేమో అన్న వార్తలు జోరందుకున్నాయి. ఇప్పటికే పలువురు ఆశావహులను పార్టీ బుజ్జగిస్తూ వస్తోంది. అయితే ఎవరూ ఊహించని విధంగా బోధన్‌కి చెందిన టీఆర్ఎస్ ఎమ్మెల్యే షకీల్.. నిజామాబాద్ బీజేపీ ఎంపీ ధర్మపురి అరవింద్‌ను కలవడం రాజకీయంగా కలకలం రేపుతోంది. నిజామాబాద్ మాజీ ఎంపీ, టీఆర్ఎస్ ముఖ్యనేత కవితకు సన్నిహితుడిగా గుర్తింపు తెచ్చుకున్న షకీల్.. ఎంపీ ధర్మపురి అరవింద్‌ను కలవడం టీఆర్ఎస్ వర్గాలు ఆందోళనకు గురవుతున్నాయి. అసలు పార్టీలో ఏం జరుగుతుందో అన్నదానిపై సతమతమవుతున్నారు.

అయితే షకీల్‌కు మంత్రి పదవి దక్కకపోవడంతో ఒకింత అసంతృప్తితో ఉన్న విషయం పార్టీకి తెలిసిందే. అయితే ఏదైనా నామినేటెడ్ పోస్ట్ ఇస్తామన్న విషయంలోనూ పార్టీ నాయకత్వం హామీ ఇవ్వకపోవడంపై అసహనంతో ఉన్నట్లు తెలుస్తోంది. ఇదే కారణాన్ని చూపుతూ.. పార్టీపై ఒత్తిడి తెచ్చే క్రమంలోనే ఎంపీ అరవింద్‌ను కలిశారన్న ప్రచారం కూడా జరుగుతోంది. అయితే రాష్ట్రంలో ఏకైక మైనార్టీ ఎమ్మెల్యేను నేనేనంటూ షకీల్ వ్యాఖ్యలు చేశారు. ఎంఐఎం పార్టీ కనుసన్నల్లో తమ పార్టీ నడుస్తుందని.. 12శాతం రిజర్వేషన్లు కల్పిస్తానన్నారు.. కానీ తనకి మంత్రి పదవి ఎందుకు ఇవ్వలేదంటూ ప్రశ్నించారు. మూడు సార్లు పోటీ చేసి రెండు సార్లు గెలిచానన్నారు. ఎంపీ అరవింద్‌తో రాజకీయ చర్చలు జరిపానన్న షకీల్.. సోమవారం రోజు తన భవిష్యత్ ప్రణాళికను ప్రకటిస్తానని తెలిపారు.

Related Tags