Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

సీన్ రివర్స్.. బిగ్ బాస్‌ను శాసిస్తున్న ఆ హీరో ఆర్మీ.. టైటిల్ గెలిచేది అతడేనా?

Will Siddharth Shukla Able To Win Bigg Boss 13 Title, సీన్ రివర్స్.. బిగ్ బాస్‌ను శాసిస్తున్న ఆ హీరో ఆర్మీ.. టైటిల్ గెలిచేది అతడేనా?

తెలుగు బిగ్ బాస్ సీజన్ 2 ప్రేక్షకులకు బాగా గుర్తిండిపోతుంది. దానికీ రీజన్ లేకపోలేదు. సాధారణ కంటెస్టెంట్‌గా బిగ్ బాస్ హౌస్‌లోకి వచ్చిన కౌశల్ మందా.. అనూహ్య రీతిలో టైటిల్ విజేతగా నిలిచాడు. షో మూడో వారం ముగిసిన దగ్గర నుంచి ఆయన ఆర్మీ.. షో అంతటిని శాసించింది. ఎవరెవరు కౌశల్‌కు విరుద్ధంగా ఉన్నారో వారిని ఒక్కొక్కరిగా ఎలిమినేట్ చేసుకుంటూ వచ్చారు. సరిగ్గా ఇదే సీన్ రీసెంట్‌గా మొదలైన హిందీ బిగ్ బాస్‌లో పునరావృతం అవుతున్నట్లు అనిపిస్తోంది.

సిద్ధార్థ్ శుక్లా.. బుల్లితెరలో పలు సీరియల్స్ నటించి నార్త్‌లో విపరీతమైన ఫ్యాన్ ఫాలోయింగ్‌ను సంపాదించాడు. అతడు నటించిన కొన్ని సీరియల్స్ తెలుగులో కూడా డబ్ కావడం జరిగింది. ఈ సీజన్‌కు అతడే ప్రధాన ఆకర్షణ. తన మాజీ లవర్‌తో హౌస్‌లోకి వచ్చిన సిద్ధార్థ్ మొదటి నుంచి దూకుడుతనంతో బిగ్ బాస్ ఇచ్చిన ఫిజికల్ టాస్కుల్లో గెలుస్తూ వస్తున్నాడు. ప్రస్తుతం మూడో వారం పూర్తవ్వగా.. ఇంటి నుంచి దల్జీత్ కౌర్, కొయినా మిత్రా, అబూ మాలిక్‌లు ఎలిమినేట్ అయ్యారు. ఇదంతా ఒక పక్కన పెడితే.. సిద్ధార్థ్ మాత్రం హౌస్‌లోనూ, బయట అద్భుతంగా దూసుకుపోతున్నాడు.

హౌస్‌లో అతనికి చాలామంది శత్రువులుగా మారినా.. బయట మాత్రం ఆర్మీ రూపంలో ఎంతోమంది అభిమానులు అతన్ని సేవ్ చేస్తున్నారు. సరిగ్గా తెలుగు బిగ్ బాస్ రెండో సీజన్ మాదిరిగా ఈ హిందీ బిగ్ బాస్ తయారయ్యింది. అంతేకాక సల్మాన్ ఖాన్ పలుసార్లు కంటెస్టెంట్లు చెత్త పెర్ఫార్మన్స్‌లు ఇస్తున్నారని స్టేజిపైనే కోపగించుకోవడం జరిగింది. మరోవైపు నిన్నటి ఎపిసోడ్‌లో వాళ్ళ తీరు నచ్చక షో మధ్యలోనే వదిలి వెళ్లిపోవడం కూడా జరిగింది. ఏది ఏమైనా ఎలిమినేట్ అయిన కంటెస్టెంట్లు కూడా సిద్ధార్థ్ శుక్లా అద్భుత పెర్ఫార్మెన్స్ ఇస్తున్నాడని.. అందువల్ల ఖచ్చితంగా టైటిల్ గెలుస్తాడని చెప్పడం గమనార్హం.