ట్యాంపరింగ్ ఆరోపణలపై టీఆర్‌ఎస్ కౌంటర్ : బిగ్ న్యూస్ – బిగ్ డిబేట్

హుజూర్‌నగర్‌లో మూడుసార్లు ఓడిపోయిన టీఆర్‌ఎస్- నాలుగోసారి మాత్రం రికార్డులు బద్దలయ్యే విక్టరీ కొట్టింది. టీపీసీసీ ప్రెసిడెంట్‌ ఉత్తమ్‌ అక్కడే మకాం వేసినా, టీఆర్‌ఎస్ అధినేత కేసీఆర్‌ అక్కడికి వెళ్లకున్నా, కారుజోరు ఆగలేదు. రౌండురౌండుకు మెజారిటీ పెంచుకున్న సైదిరెడ్డి 43,624 ఓట్ల మెజారిటీతో కాంగ్రెస్‌ కంచుకోటలో గులాబీ జెండా పాతారు. హుజూర్‌నగర్‌ గెలుపుతో టాప్‌గేర్‌లో ఉన్న టీఆర్‌ఎస్- మున్సిపల్‌ ఎన్నికల కోసం సై అంటోంది.

ఈవీఎంల ట్యాంపరింగ్: ఉత్తమ్ పద్మావతి

హుజూర్ నగర్ ఉపఎన్నికలో ఈవీఎంల ట్యాంపరింగ్ జరిగిందని కాంగ్రెస్ అభ్యర్థి, టీపీసీసీ చీఫ్ ఉత్తమ్ భార్య పద్మావతి ఆరోపించారు. హైదరాబాద్‌లో కేంద్ర ఎన్నికల పరిశీలకుడిని కలిసి ఫిర్యాదు చేసిన ఆమె.. హుజూర్ నగర్ ఫలితాల్లో ఈవీఎంల ఫలితాలపై అనుమానాలున్నాయని తెలిపారు. కేసీఆర్ ప్రభుత్వంపై ప్రజల్లో వ్యతిరేకత ఉందని.. మెషిన్ ద్వారా వచ్చిన ఫలితం సరికాదని అభిప్రాయపడ్డారు. ప్రచారంలో ప్రజలు తమ వైపే ఉన్నారన్న పద్మావతి.. బ్యాలెట్ పేపర్ విధానంలో మళ్లీ రిపోలింగ్ నిర్వహించాలని డిమాండ్ చేశారు. ప్రజాస్వామ్యం బతకాలనే తాను కోరుకుంటున్నానని చెప్పారు పద్మావతి.

మీరు గెలిచినప్పుడు టాంపరింగ్ కాదా?: టీఆర్‌ఎస్

ట్యాంపరింగ్ విషయంపై టీవీ9 మేనేజింగ్ ఎడిటర్ రజనీకాంత్ ఆధ్వర్యంలో బిగ్ న్యూస్-బిగ్ డిబేట్ వేదికగా కీలక చర్చ జరిగింది. గతంలో కాంగ్రెస్ వాళ్లు గెలిచినప్పుడు..అదే స్థానంలో ఉత్తమ్ కుమర్ రెడ్డి పోటీ చేసి..విజయం సాధించినప్పుడు ట్యాంపరింగ్ ఆరోపణలు ఎందుకు చేయలేదని టీఆర్‌ఎస్ ఎమ్మెల్సీ పల్లా రాజశ్వేరరెడ్డి ప్రశ్నించారు.