Hanuman Junction: పుంగనూరు పొట్టి దూడకు బారసాల వేడుక.. అది ఎంత ముద్దుగా ఉందో కదా..!
ఈ ఆవుకు ఒకసారి గిత్త దూడ పుట్టగా రెండోసారి పెయ్య దూడ పుట్టింది..ఆ పెయ్య దూడకు బారసాల వేడుక చేయాలని నిర్ణయించారు.. బంధుమిత్రులు అందర్నీ పిలిచారు. ఒక చిన్నారికి ఏ రకంగా వేడుక చేస్తారో అదే విధంగా.. ఈ బుజ్జి దూడకు వేడుక నిర్వహించడం చూసి స్థానికులు ఆశ్చర్యపోయారు.
సాధారణంగా మన ఇంట చిన్న పిల్లలకు 21 రోజుల తర్వాత బారసాల వేడుక నిర్వహిస్తాం. కొంతమంది దీన్నే ఉయ్యాల పండుగ అంటారు. కుటుంబసభ్యులు, బంధువుల మధ్య బారసాల వేడుక ఘనంగా నిర్వహిస్తారు కుటుంబ సభ్యులు. అయితే తాజాగా ఓ లేగదూడకు బారసాల నిర్వహించారు. ఈ వినూత్న ఘటన హనుమాన్ జంక్షన్లో వెలుగుచూసింది.
నందిగాం వెంకట నారాయణ, లలిత దేవిలకు పశు పోషణ అంటే మహా ఇష్టం అట. నాలుగేళ్ళ క్రితం 30 వేలకు పుంగునూరు ఆవును కొని ఆప్యాయంగా పెంచుకుంటున్నారు. ఈ ఆవుకు ఒకసారి గిత్త దూడ పుట్టగా.. రెండో సారి పెయ్య దూడ పుట్టింది. దీంతో ఎంతో ఆనందంతో ఆ పెయ్య దూడకు ఉయ్యాల వేడుక నిర్వహించాలని నిర్ణయించారు. 22 రోజులకు ఈ కార్యక్రమం ఎంతో వైభవంగా జరిపారు. ఉదయాన్నే దూడకి స్నానం చేయించి కొత్త చీర అలంకరించి శాస్త్రోక్తంగా పూజలు జరిపించారు. ప్రత్యేకంగా అలంకరించిన ఉయ్యాలలో పేయ్య దూడను ఉంచి గౌరీ అని నామకరణం చేశారు ఆ దంపతులు. ఒక చిన్నారికి ఏ రకంగా వేడుక చేస్తారో అదేవిధంగా వేడుక నిర్వహించడం చూసి స్థానికులు ఆసక్తిగా చూసారు.
దేశీయ గోవులను సంరక్షిచడం.. వాటి సంతతిని పెంపొదించడానికి ప్రతి ఒక్కరూ తమ వంతుగా కృషి చేయాలని ఆ దంపతులు పిలుపునిచ్చారు.ఎక్కడా లేని విధంగా దంపతులు ఓ లేగదూడకు బారసాల చేసి.. మూగజీవాలపై ప్రమేను చాటి చాటడం అందరిని ఆకట్టుకుంటోంది. ఈ వింత సంఘటన సోషల్ మీడియాలో వైరల్ అయ్యింది.
మరిన్ని ఏపీ వార్తల కోసం..