Cyclone Arnab: అమ్మో బుధవారం..! కోనసీమను వెంటాడుతున్న సముద్ర రాక్షసుడి భయం!

ఎంతటి తీవ్రమైన తుఫాను అయినా తీరం దాటేటప్పుడు రెండుమూడు గంటలు.. మాగ్జిమమ్ ఆరేడు గంటలు. ప్రభావం అంతకుమించి ఉండదు. పుష్కరకాలం కిందట వైజాగ్‌ను చిదిమేసిన హుద్‌హుద్ తుఫాను కూడా రెండుగంటలకు మించి ఉనికిలోలేదు. కాకపోతే, దాని నుంచి కోలుకుని స్థిమితపడ్డానికి నాలుగైదు రోజులు పట్టింది. కానీ, ఒక తుఫాను తాకిడి ఏకధాటిగా 24 గంటలు కంటిన్యూ అయితే..? ఒక రోజంతా భీకరమైన ఈదురుగాలులు, భారీ వర్షం కురిస్తే.. దానితాలూకు ఎఫెక్ట్ ఊహకే అందనంత ఎత్తులో ఉంటుంది. ఇప్పుడు దూసుకొస్తున్న అర్నబ్ తుఫాన్ స్పాన్ 24 గంటలకు మించే పోతుంది. ఇదే ఇప్పుడు కోనసీమను భయపెడుతున్న మొట్టమొదటి ప్రమాద హెచ్చరిక. గంటకు 20 కిలోమీటర్ల వేగంతో కదులుతూ ఏపీ వైపు దూసుకొస్తోంది అర్నబ్‌ తుఫాన్‌. బుధవారం (అక్టోబర్ 27) మధ్యాహ్నానికల్లా కోనసీమ – యానాం మధ్య తీరం దాటతానంటోంది. క్రాస్ అయ్యే టైమ్‌లో రాక్షసావతారం ఎత్తుతానని హూంకరిస్తోంది. దానికి తగ్గట్టే ముందు రోజే భారీవర్షాలతో బరువైన సంకేతాలూ ఇచ్చిపడేసింది. గంటకు 40 నుంచి 50 కిలోమీటర్ల స్పీడ్‌తో గాలి వీస్తేనే ఒకలాంటి భీతావహ స్థితి. చెట్లు – కొమ్మలు ఊగిపోతాయి. అర్నబ్‌ తుఫాన్‌ అంతకు మించి మూడింతలు. అంటే, గంటకు 115 నుంచి 125 కిలోమీటర్ల వేగం. ఆ మితిని కూడా మీరితే గరిష్టంగా 140 కిలోమీటర్ల వేగంతో పెనుగాలులు వీస్తాయని వాతావరణ శాఖ అంచనా వేస్తోంది. గంటకు 140 కిలోమీటర్ల వేగంతో రోజంతా గాలి వీస్తే,...