AP ZPTC, MPTC Elections Result LIVE Updates: మరికాసేపట్లో ఏపీ MPTC, ZPTC ఎన్నికల కౌంటింగ్‌

ఏపీ స్థానిక ఎన్నికల్లో మరో కీలక ఘట్టం ఇవాళ మొదలుకానుంది. కాసేపట్లో MPTC, ZPTC ఎన్నికల కౌంటింగ్‌ జరగనుంది. రాష్ట్రవ్యాప్తంగా 365 కేంద్రాల్లో కౌంటింగ్‌కు సర్వం సిద్ధమైంది. ఉదయం 8 గంటల నుంచి ఓట్ల లెక్కింపు ప్రారంభం కానుంది. కౌంటింగ్‌ కేంద్రాల దగ్గర పటిష్ట భద్రతతోపాటు ప్రత్యేక నిఘా ఏర్పాట్లు చేసినట్టు స్టేట్‌ ఎలక్షన్‌ కమిషన్‌ ప్రకటించింది.

కౌంటింగ్‌ కోసం 9వేల 62 టేబుళ్లు ఏర్పాటు చేయగా… 11వేల మంది సూపర్‌వైజర్లు, 28వేల 692 మంది సహాయకులను నియమించారు. కౌంటింగ్ టేబుళ్లలో ఎంపీటీసీ, జెడ్పీటీసీలకు చెరో 50 శాతం కేటాయించారు. ప్రతి రౌండ్‌లో వెయ్యి బ్యాలెట్ ఓట్లను లెక్కించనున్నారు. మొదట పోస్టల్ ఓట్లు… ఆ తర్వాత బ్యాలెట్ ఓట్లు లెక్కిస్తారు

77 జెడ్పీటీసీలు, 2వేల 51 ఎంపీటీసీలు ఏకగ్రీవంకాగా… మిగిలిన 582 జెడ్పీటీసీ… 7వేల767 ఎంపీటీసీ స్థానాల ఓట్ల లెక్కింపు ఇవాళ జరగనుంది. బ్యాలెట్‌ బాక్సుల్లో నిక్షిప్తమైవున్న 21వేల 12మంది అభ్యర్థుల భవితవ్యం ఇవాళ తేలిపోనుంది. పరిషత్‌ ఎన్నికల్లో కోటీ 85లక్షల మంది ఓటు హక్కు వినియోగించుకున్నారు.

పరిషత్‌ ఎన్నికల్లో 70.72శాతం పోలింగ్‌ నమోదైంది. విశాఖ జిల్లాలో అత్యధికంగా 82.51శాతం… అల్లూరి జిల్లాలో అత్యల్పంగా 62.01శాతం ఓటింగ్‌ జరిగింది. MPTC ఎన్నికలకు గులాబీ రంగు పేపర్‌… ZPTC ఎన్నికలకు తెలుగు రంగు బ్యాలెట్‌ పేపర్‌ వినియోగించారు. ముందుగా వీటిని వేరుచేసి కట్టలు కడతారు. అనంతరం, వెయ్యి చొప్పున ఓట్లను లెక్కిస్తారు.

కౌంటింగ్ కేంద్రాల దగ్గర భారీ భద్రతా ఏర్పాట్లు చేశారు. రాష్ట్రవ్యాప్తంగా 40వేల 679 మంది పోలీసులను మోహరించారు. బందోబస్తులో 135 మంది డీఎస్పీలు, అదనపు ఎస్పీలు, 572 మంది ఇన్‌స్పెక్టర్లు, 1,412 మంది ఎస్సైలు పాల్గొననున్నారు. సున్నిత ప్రాంతాల్లో సీసీటీవీలు, డ్రోన్లతో నిఘా ఏర్పాటు చేయడంతో పాటు బాడీ వోర్న్ కెమెరాలతో పర్యవేక్షించనున్నారు.

ఎన్నికల ఫలితాలను ఇక్కడ చూడండి..

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి.