‘ఆయుధపూజ’పై కాంగ్రెస్ విమర్శలకు బీజేపీ కౌంటర్!
రాఫెల్ యుద్ధ విమానానికి కేంద్ర రక్షణ మంత్రి రాజ్నాథ్ సింగ్ ఆయుధ పూజ నిర్వహించడంపై కాంగ్రెస్ తీవ్ర స్థాయిలో స్పందించింది. ఆయుధ పూజ పేరుతో రక్షణ మంత్రి ‘తమాషా’ చేశారంటూ కాంగ్రెస్ సీనియర్ నేత మల్లికార్జున ఖర్గే ధ్వజమెత్తారు. భారత వైమానిక దళం ఫ్రాన్స్ నుంచి నిన్న తొలి రాఫెల్ యుద్ధ విమానాన్ని అందుకున్న సంగతి తెలిసిందే. అదే సమయంలో విజయదశమి కూడా కావడంతో ఈ సందర్భంగా భారత సంప్రదాయం ప్రకారం రాజ్నాథ్ సింగ్ ‘ఆయుధ పూజ’ […]
రాఫెల్ యుద్ధ విమానానికి కేంద్ర రక్షణ మంత్రి రాజ్నాథ్ సింగ్ ఆయుధ పూజ నిర్వహించడంపై కాంగ్రెస్ తీవ్ర స్థాయిలో స్పందించింది. ఆయుధ పూజ పేరుతో రక్షణ మంత్రి ‘తమాషా’ చేశారంటూ కాంగ్రెస్ సీనియర్ నేత మల్లికార్జున ఖర్గే ధ్వజమెత్తారు. భారత వైమానిక దళం ఫ్రాన్స్ నుంచి నిన్న తొలి రాఫెల్ యుద్ధ విమానాన్ని అందుకున్న సంగతి తెలిసిందే. అదే సమయంలో విజయదశమి కూడా కావడంతో ఈ సందర్భంగా భారత సంప్రదాయం ప్రకారం రాజ్నాథ్ సింగ్ ‘ఆయుధ పూజ’ నిర్వహించారు. దీనిపై ఖర్గే స్పందిస్తూ…
‘‘అలాంటి తమాషాలు అవసరం లేదు. ఇంతకు ముందు మేము బోఫోర్స్ గన్ తెచ్చినప్పుడు… ఎవరూ అలా వెళ్లి ఆర్భాటాలు చెయ్యలేదు. ఆయుధాలు మంచివా, కావా అన్న విషయం తేల్చాల్సింది వైమానిక దళ అధికారులే. అలా కాకుండా వీళ్లే వెళ్లి, ఆర్భాటాలు చేసి, విమానంలో కూర్చుంటున్నారు..’’ అని పేర్కొన్నారు. యుద్ధ విమానం అప్పగింత కార్యక్రమానికి మతం కోణం చొప్పించడం భావ్యం కాదని ఆయన పేర్కొన్నారు. సుదీర్ఘ నిరీక్షణ అనంతరం ఎట్టకేలకు తొలి రాఫెల్ యుద్ధ విమానం నిన్న భారత వైమానిక దళానికి అందింది. ఈ సందర్భంగా రాజ్నాధ్ సింగ్ నిన్న ఈ విమానానికి ఆయుధ పూజ నిర్వహించారు. విమానంపై ‘ఓం’ అని రాసి, కొన్ని పుష్పాలు, కొబ్బరికాయ పెట్టారు. అలాగే టైర్లు కింద నిమ్మకాయలు ఉంచారు. అనంతరం ఈ సన్నివేశాలను తన ట్విటర్ ఖాతాలో షేర్ చేసుకున్నారు. విజయ దశమి రోజు ఆయుధ పూజ చేయడం భారత సంప్రదాయమని రాజ్నాథ్ సింగ్ పేర్కొన్నారు.
Congress has problems with:
Air Force modernisation.
Indian customs and traditions.
For a Party used to worshiping Quattrocchi, ‘Shastra Puja’ is naturally a problem.
And, Kharge Ji, thank you for reminding us about the Bofors Scam. https://t.co/c2GummCK6x
— BJP (@BJP4India) October 9, 2019