Trump Supporters Enter: అమెరికా క్యాపిటల్‌ భవనంలోకి చొచ్చుకెళ్లిన ట్రంప్‌ మద్దతు దారులు.. గన్‌తో కాల్పులు
Trump Supporters Enter: అమెరికా క్యాపిటల్‌ భవనంలో తీవ్ర ఉద్రిక్తత చోటు చేసుకుంది. క్యాపిటల్‌ భవనంలో బుధవారం అర్ధరాత్రి కాల్పులు చోటు చేసుకున్నాయి....
Trump Supporters Enter: అమెరికా క్యాపిటల్‌ భవనంలో తీవ్ర ఉద్రిక్తత చోటు చేసుకుంది. భవనంలో బుధవారం అర్ధరాత్రి కాల్పులు చోటు చేసుకున్నాయి. ఈ కాల్పుల్లో ఒకరు గాయపడ్డారు. అమెరికా అధ్యక్షుడిగా ఎన్నికైన జో బైడెన్‌ గెలుపును ధృవీకరించేందుకు యూఎస్‌ కాంగ్రెస్‌ సమావేశమైంది. అయితే జో బైడెన్‌ ఎన్నికను వ్యతిరేకిస్తూ ట్రంప్‌ మద్దతుదారుల నిరసనలు వెల్లువెత్తాయి. ఒక్కసారిగా ట్రంప్‌ మద్దతు దారులు క్యాపిటల్‌ భవనంలోకి చొచ్చుకువచ్చారు.
దీంతో బైడెన్‌ ధృవీకరణకు ఆటంకం ఏర్పడింది. ఆందోళనకారులను కట్టడి చేసేందుకు కేంద్ర బలగాలు రంగంలోకి దిగాయి. ఆందోళనకారులను అదుపు చేసేందుకు పోలీసులు కాల్పులు జరిపారు. ట్రంప్‌ ఆదేశాలతో కేంద్ర బలగాలను రంగంలోకి దించినట్లు వైట్‌ హౌస్‌ తెలిపింది. ఆందోళనకారులు శాంతియుతంగా వ్యవహరించాలని డొనాల్డ్‌ ట్రంప్‌ ట్వీట్‌ చేశారు. తన మద్దతుదారులు పోలీసులకు సహకరించాలని ఆయన పిలుపునిచ్చారు.
కాగా, ఈ సమావేశానికి అధ్యక్షత వహిస్తున్న అమెరికా ఉపాధ్యక్షుడు మైక్‌ పెన్స్‌ వెంటనే ఆందోళనకారులు క్యాపిటల్‌ భవనం విడిచి వెళ్లాలని అన్నారు. అలాగే ఈ ఘటనపై నూతనంగా అధ్యక్షుడిగా ఎన్నికైన జో బైడెన్‌ స్పందించారు. ఈ చర్యను ఇంతటితో ఆపాలని, ఆందోళనకారులను, రాజ్యాంగాన్ని కాపాడడానికి ట్రంప్‌ వెంటనే జాతీయ ఛానల్‌లో ప్రకటన చేయాలని ట్వీట్‌ చేశారు. మరో వైపు వాషింగ్టన్‌ మేయర్‌ బౌజర్‌ నగరంలో కర్ఫ్యూ విధించారు. కేంద్ర బలగాలు క్యాపిటల్‌ భవనాన్ని ఆధీనంలోకి తీసుకున్నాయి.
One gun shot victim rushed out of the US Capitol, active CPR in progress. pic.twitter.com/Bjb6aPOlrF
— Sam Sweeney (@SweeneyABC) January 6, 2021
— Donald J. Trump (@realDonaldTrump) January 6, 2021
