24 గంటల్లోపే మొదటి టీకా వేస్తాం… ఫైజర్ వ్యాక్సిన్ గురించి డొనాల్డ్ ట్రంప్ ఆసక్తికర వ్యాఖ్యలు

అమెరికాలో కరోనా అత్యవసర వినియోగానికి ఫైజర్ వ్యాక్సిన్‏ను అనుమతిస్తూ ఎఫ్‏డీఏ చేసిన ప్రకటనకు.. అగ్రరాజ్య అధ్యక్షుడు డొనాల్డ్ ట్రంప్ ట్విట్టర్ వేదికగా స్పందించారు. 24 గంటల్లోపు మొదటి టీకా డోసును ప్రజలకు ఇవ్వడం ప్రారంభించనున్నామని ఆయన ట్విట్టర్ వేదికగా తెలిపారు. అనంతరం ఓ టెలివిజన్ ప్రసంగంలో మాట్లాడుతూ.. “ఫెడ్ఎక్స్, యూపీఎస్‏తో మాకున్న భాగస్వామ్యం ద్వారా ఇప్పటికే దేశంలో ప్రతి రాష్ట్రానికి రవాణాను ప్రారంభించాం. పలు రాష్ట్రాల్లో ఎవరెవరికి ఈ టీకా మొదటి డోసును అందించాలో గవర్నర్లు నిర్ణయిస్తారు. ఈ వైరస్ ప్రభావం అధికంగా ఉన్న వృద్ధులు, వైద్య సిబ్బందికి ఈ వ్యాక్సిన్‏ను వేయాలని మేం అనుకుంటున్నాం. ఈ టీకా మరణాల సంఖ్యను, అటు కొత్తగా ఆసుపత్రులలో చేరే వారి సంఖ్యను తగ్గిస్తుంది” అని ట్రంప్ తెలిపారు.

కాగా అటు యావత్ ప్రపంచం కరోనా వ్యాక్సిన్ కోసం ఎదురుచూస్తుంది. ప్రస్తుతం ఫైజర్ టీకాకు ఎఫ్‏డీఏ అనుమతించడంతో కరోనాకు స్వస్తీ పలికే సమయం ఆసన్నమైందని భావిస్తున్నారు. ముందుగా ఈ వ్యాక్సిన్‏ను వైద్య, ఆరోగ్య, మిలిటరీ సిబ్బందితోపాటు వృద్ధులకు అందించనున్నట్లు తెలుస్తోంది. ముందుగా కుదుర్చుకున్న ఒప్పందం ప్రకారం వచ్చే ఏడాది మార్చి నాటికి అమెరికాకు పైజర్ టీకా 100 మిలియన్ డోసుల్ని అందించాల్సి ఉంది. ఇప్పటికే అమెరికాలోని ప్రజలందరికీ ఈ వ్యాక్సిన్‏ను ఉచితంగానే పంపిణీ చేయనున్నట్టు ట్రంప్ ప్రభుత్వం ఇప్పటికే స్పష్టం చేసింది.