Dubai House: ఈ ఇల్లు ఖరీదు రూ.580 కోట్లు.. ఇందులో ఉండే సదుపాయాల గురించి తెలిస్తే ఆశ్చర్యపోవాల్సిందే..!

Dubai House: కొన్ని కొన్ని భవనాలు రికార్డుల్లోకెక్కుతాయి. అత్యంత ఖరీదు పలుకుతాయి. కానీ ఇక్కడ ఓ భవనం అత్యంత విలువ చేసే భవనం ఇప్పుడు చర్చనీయాంశంగా మారింది. అయితే తరచు దుబాయ్‌కి వెళ్లి అక్కడి అందాలు, వాస్తుశిల్పం చూసేందుకు వెళ్తుంటారు. పెద్ద పెద్ద, విభిన్నమైన శైలిలో నిర్మించిన భవనాలు అందరినీ ఆకర్షిస్తాయి. ప్రపంచంలోని ఎత్తైన భవనాల విషయానికి వస్తే దుబాయ్ (Dubai) పేరు అగ్రస్థానంలో ఉంటుంది. ఈ భవనాల కారణంగా ఇప్పుడు మరోసారి దుబాయ్ చర్చనీయాంశమైంది. వాస్తవానికి దుబాయ్‌లో ఒక ఇల్లు అమ్మకానికి ఉంది. ఆ భవనంపై ఇప్పుడు చర్చ జరుగుతోంది. ఈ ఇంటి ధర ఎంత అంటే రూ.500 కోట్లకుపైనే. మరి దుబాయ్‌లో ఉండే ఆ ఇల్లు ప్రత్యేక ఏమిటో చూద్దాం. దుబాయ్‌లో విక్రయించే ఈ ఇంటి ధర 280 మిలియన్ దిర్హామ్‌లు. దీనిని భారతీయ కరెన్సీగా మార్చినట్లయితే దాని విలువ దాదాపు రూ. 580 కోట్లు. ఈ ఇంటిని కొనాలంటే రూ.580 కోట్లు కావాలి. ఇంతకుముందు దుబాయ్‌లోని ఒక ఇల్లు అత్యంత ఖరీదైన ఇల్లుగా పరిగణించబడింది. కానీ ఇప్పుడు ఈ ఇల్లు దాని రికార్డును బద్దలు కొట్టింది. ఆ ఇంటి ధర 185M దిర్హామ్ అంటే 350 కోట్లు. ఇది 2015 సంవత్సరంలో విక్రయించబడింది.

ఈ విల్లా ప్రత్యేకత ఏమిటి?

ఈ విల్లా ప్రత్యేకత ఎంతో ఉంది. ఎంతో విలాసవంతమైనది. ఈ విలాసవంతమైన విల్లా దుబాయ్‌లోని పామ్ జుమేరాలో నిర్మించబడింది. ఇక్కడ నుండి సముద్రాన్ని చూడవచ్చు. ఈ స్థలాన్ని చూడటానికి పర్యాటకులు ఇతర దేశాల నుండి దుబాయ్‌కి వెళతారు. ఈ ఇల్లు దుబాయ్‌లోని అందమైన ప్రదేశంలో నిర్మించబడింది. ముందు నుండి గాజుతో చేసిన ఇల్లు ప్రత్యేకంగా ఉంటుంది. ఈ వైట్ విల్లా 33 వేల చదరపు అడుగుల విస్తీర్ణంలో నిర్మించబడింది. ఈ ఇంట్లోనే 70 మీటర్ల ప్రత్యేక ప్రైవేట్ బీచ్ ఫ్రంట్ నిర్మించబడి ఉంటుంది. ఇది విల్లాను ప్రత్యేక, విభిన్న అనుభవాన్ని ఇస్తుంది.

ఈ ఇల్లు 10 పడక గదుల కస్టమ్ బిల్ట్ విల్లా. ఈ ఇల్లు విలాసవంతమైన నివాస స్థలాన్ని కలిగి ఉంది. ఇది కాకుండా ఇంట్లో స్పా, జిమ్, హెయిర్ సెలూన్ వంటి సెవెన్ స్టార్ హోటల్, ఎంపిక చేసిన ఇటాలియన్ మార్బుల్ ఉన్నాయి. ఇటాలియన్ ఫర్నిచర్ హౌస్ జార్జెట్టి, మినోట్టిచే అమర్చబడ్డాయి.

ఇవి కూడా చదవండి:

వాట్సాప్‌లో 2 GB వరకు ఉన్న ఫైల్‌లను త్వరలో పంపే సదుపాయం

Bhadradri Kothagudem: భద్రాది కొత్తగూడెం జిల్లాలో ఎన్‌కౌంటర్‌.. కాల్పులు జరిపిన పోలీసులు