Iran-Israel War: ఇరాన్‌ సంచలన నిర్ణయం.. మళ్లీ జలసంధి మూసివేత

Iran Israel War

Iran-Israel War: ఇరాన్‌ సంచలన నిర్ణయం తీసుకుంది. మధ్య ప్రాచ్యంలో ఉద్రిక్తతలు పరాకాష్టకు చేరుకున్నాయి. ఈ నేపథ్‌యంలో హర్మూజ్‌ జలసంధిని మళ్లీ మూసివేసింది ఇరాన్. లెబనాన్‌పై ఇజ్రాయెల్‌ దాడులతో జలసంధిని మూసివేసింది. ఇజ్రాయెల్‌ చర్యలపై ఇరాన్‌ తీవ్ర ఆగ్రహం వ్యక్తం చేసింది. హర్మూజ్‌లో ఆయిల్‌ ట్యాంకర్ల రాకపోకలు నిలిపివేసింది.
అమెరికా, ఇరాన్‌ల మధ్య కాల్పుల విరమణపై చర్చలు జరుగుతున్నప్పటికీ, ఇజ్రాయెల్, లెబనాన్‌ల మధ్య యుద్ధం తీవ్రమైంది. అమెరికా కాల్పుల విరమణపై ఇరాన్ తీవ్ర ప్రకటన జారీ చేసింది. లెబనాన్‌పై దాడులు కొనసాగితే కాల్పుల విరమణను ఉల్లంఘిస్తామని ఇరాన్ స్పష్టం చేసింది. కాల్పుల విరమణ నుండి వైదొలుగుతామని హెచ్చరించింది. హోర్ముజ్ జలసంధి గుండా ట్యాంకర్ల రాకపోకలను కూడా నిరోధించింది.

ఇది కూడా చదవండి: Air Strikes: లెబనాన్‌పై ఇజ్రాయెల్‌ బాంబుల వర్షం.. 1982 తర్వాత అతిపెద్ద దాడి.. ఎంత మంది చనిపోయారంటే..!

కాల్పుల విరమణ ఒప్పందాన్ని ఇజ్రాయెల్ ఉల్లంఘించిందని ఇరాన్ ఆరోపించింది. నిజానికి, ఇరు దేశాల మధ్య కాల్పుల విరమణ ఉన్నప్పటికీ, ఇరాన్‌పై నిరంతరం దాడులు జరుగుతూనే ఉన్నాయి. ఇరాన్‌కు చెందిన లావన్, సిరి దీవులపై దాడులు జరిగాయి. లెబనాన్‌పై ఇజ్రాయెల్ దాడి నేపథ్యంలో, హోర్ముజ్ జలసంధి గుండా ట్యాంకర్ల రాకపోకలను ఇరాన్ నిరోధించింది. అయితే, కాల్పుల విరమణ ఒప్పందంలోని నిబంధనలు లెబనాన్‌కు వర్తించవని ఇజ్రాయెల్ గతంలోనే స్పష్టం చేసింది.

ఇరాన్, అమెరికా మధ్య 14 రోజుల కాల్పుల విరమణ:

లెబనాన్‌లో తమ వైమానిక దాడులు కొనసాగుతాయని ఇజ్రాయెల్ భావిస్తోంది. యుద్ధం ముగిసిన దాదాపు 40 రోజుల తర్వాత, అమెరికా, ఇరాన్‌ల మధ్య కాల్పుల విరమణ ఒప్పందం కుదిరింది. ఈ కాల్పుల విరమణ 14 రోజుల పాటు కొనసాగింది. అంటే రాబోయే రెండు వారాల పాటు ఆ రెండు దేశాలు ఒకదానిపై ఒకటి దాడి చేసుకోవు. అయితే, కేవలం కొన్ని గంటల తర్వాత కాల్పుల విరమణకు సంబంధించి ఇరాన్ ఒక కీలక ప్రకటన జారీ చేసింది. కాల్పుల విరమణ ఒప్పందం నుండి వైదొలగుతామని హెచ్చరించింది.

లెబనాన్‌లో 89 మంది మృతి, 700 మంది గాయపడ్డారు:

మృతుల సంఖ్య పెరుగుతూనే ఉంది. బుధవారం లెబనాన్ వ్యాప్తంగా జరిగిన ఇజ్రాయెల్ దాడుల్లో 89 మంది మరణించగా, 700 మంది గాయపడ్డారని లెబనాన్ ఆరోగ్య మంత్రిత్వ శాఖ ప్రతినిధి రాయిటర్స్‌కు తెలిపారు.

మరిన్ని అంతర్జాతీయ వార్తల కోసం ఇక్కడ క్లిక్ చేయండి