Russia America Crisis: చూస్తూ ఊరుకునేది లేదు.. ఉద్దేశపూరకంగానే నేలకూల్చారు.. రష్యాకు అమెరికా వార్నింగ్..

Us Drone

రష్యా జెట్ ఫైటర్ ఎస్‌యూ-27.. అమెరికాకు చెందిర రీపర్ డ్రోన్ ను ఢీ కొట్టింది. బ్లాక్ సీ గగనతలంపై ఈ ఘటన చోటు చేసుకుంది. ఫలితంగా రెండు దేశాల మధ్య తీవ్ర ఉద్రిక్తత తలెత్తింది. ఉక్రెయిన్ లోని ఖేర్సన్, ఒడెస్సా నగరాలు బ్లాక్ సీ తీరంలోనే ఉంటాయి. అటు రాకపోకలు సాగించే క్రమంలో రష్యన్ ఫైటర్ జెట్- యూఎస్ రీపర్ డ్రోన్ ను ఢీకొట్టింది. అయితే, ఈ సంఘటనకు సంబంధించి US ఆర్మీ యూరోపియన్ కమాండ్ మంగళవారం (మార్చి 14) నల్ల సముద్రం మీదుగా అమెరికన్ MQ-9 రీపర్ డ్రోన్‌ను రష్యన్ SU-27 యుద్ధ విమానం ఢీకొట్టింది. అమెరికాకు చెందిన రీపర్ డ్రోన్, రెండు రష్యా యుద్ధ విమానాలు SU-27 నల్ల సముద్రం మీదుగా అంతర్జాతీయ జలాల్లో తిరుగుతున్నప్పుడు ఈ సంఘటన జరిగింది.

ఈ మొత్తం సమస్యపై US ఎయిర్ ఫోర్స్ జనరల్ జేమ్స్ హెకర్ మీడియాతో మాట్లాడుతూ, మా MQ-9 అంతర్జాతీయ గగనతలంలో క్రమం తప్పకుండా పనిచేస్తుందని చెప్పారు. ఆపై రష్యాకు చెందిన ఓ విమానం ఢీకొట్టింది. ఆ తర్వాత మా డ్రోన్ పూర్తిగా దెబ్బతింది. దీనితో పాటు, దీని తర్వాత రష్యా విమానం కూడా కూలిపోయిందని ఆయన తెలిపారు. ఈ ఘటనలో రష్యాను కూడా జేమ్స్ తప్పుబట్టారు.

ఇప్పటి వరకు అందిన సమాచారం ప్రకారం, అమెరికాకు చెందిన రీపర్ డ్రోన్, రష్యా SU-27 యొక్క రెండు ఫైటర్ జెట్‌లు నల్ల సముద్రం మీదుగా తిరుగుతున్నప్పుడు ఈ సంఘటన జరిగింది. ఒక రష్యన్ జెట్ ఉద్దేశపూర్వకంగా అమెరికన్ డ్రోన్‌ను లక్ష్యంగా చేసుకున్నట్లు యుఎస్ మిలిటరీ పేర్కొంది.

జెట్ అకస్మాత్తుగా డ్రోన్ ముందుకి రావడం.. ఆ తర్యాత ఢీకొనడానికి ముందు Su-27 యుద్ధ విమానాలు డ్రోన్‌పై అనేకసార్లు  వృత్తిపరంగా తిరుగుతూ చమురును వెదజల్లినట్లుగా ఆరోపించింది.

ఇలాంటి ఘటన జరగడం ఇదే తొలిసారి

ఘర్షణ కారణంగా, జెట్ డ్రోన్ ప్రొపెల్లర్‌ను దెబ్బతీసింది. ఈ ప్రొపెల్లర్ డ్రోన్ వెనుక భాగంలో జత చేయబడింది. ఆ తర్వాత డ్రోన్ నల్ల సముద్రంలో దిగాల్సి వచ్చింది. ముఖ్యంగా, రష్యా- ఉక్రెయిన్ సరిహద్దులు నల్ల సముద్రంలో కలుస్తాయి. ఉక్రెయిన్‌తో కొనసాగుతున్న వివాదం కారణంగా గత కొన్ని నెలలుగా ఈ ప్రాంతంలో ఉద్రిక్తత నెలకొంది. ఉక్రెయిన్ యుద్ధ సమయంలో రష్యా-అమెరికన్ విమానాలు నల్ల సముద్రం మీదుగా ఎగురుతూనే ఉన్నాయి. అయితే ఇలాంటి సంఘటన ఇంతకు ముందెన్నడూ జరగలేదు.

ఈ ఘటనను అమెరికా తీవ్రంగా పరిగణనలోకి తీసుకుంది. రష్యా ఉద్దేశపూరకంగానే దీన్ని నేలకూల్చినట్లు భావిస్తోంది. అంతర్జాతీయ గగనతలంలో రోజువారీ పహారా నిర్వహిస్తోన్న సమయంలో తమ రీపర్ డ్రోన్ ను రష్యాకు చెందిన రెండు జెట్‌ ఫైటర్లు అడ్డగించచడానికి ప్రయత్నించాయని అమెరికా పేర్కొంది. దీనిపై తాము అసంతృప్తిని వ్యక్తం చేస్తోన్నామని యూఎస్- యూరోపియన్ కమాండ్, అమెరికా ఎయిర్ ఫోర్స్ జనరల్ జేమ్స్ హ్యాకర్ స్పష్టం చేశారు. ఈ ఘటనపై రష్యా నుంచి ఇంకా ఎలాంటి స్పందన రాలేదు.

ఇదిలావుంటే, రష్యా-ఉక్రెయిన్ మధ్య రోజుల తరబడి హోరాహోరీగా యుద్ధం కొనసాగుతోంది. 13 నెలలుగా ఈ రెండు దేశాలు నువ్వా-నేనా అన్నట్లు పోరాడుతున్నాయి. ఉక్రెయిన్‌లోని పలు నగరాలు ధ్వంసం అయ్యాయి. వేలాదిమంది ప్రాణాలు కోల్పోయారు. అదే స్థాయిలో ఆస్తినష్టం సంభవించింది. అయినప్పటికీ ఏ దేశం కూడా వెనక్కి తగ్గట్లేదు. ఉక్రెయిన్ తూర్పు ప్రాంతంలోని మెజారిటీ నగరాలను రష్యా స్వాధీనం చేసుకుంది.

మరిన్ని అంతర్జాతీయ వార్తల కోసం