Breaking News
  • సికింద్రాబాద్‌-మచిలీపట్నం మధ్య ప్రత్యేక రైళ్లు. డిసెంబర్‌ 1,8,15,22,29 తేదీల్లో నడవనున్న ప్రత్యేక రైళ్లు. మచిలీపట్నంలో మధ్యాహ్నం 2:25కి బయల్దేరి.. రాత్రి 10:10కి సికింద్రాబాద్‌కు చేరుకోనున్న ప్రత్యేక రైలు. అదేరోజు సికింద్రాబాద్‌ నుంచి రాత్రి 11:55కి బయల్దేరి.. మరుసటి రోజు ఉ.8:55కి మచిలీపట్నం చేరుకోనున్న ప్రత్యేక రైలు.
  • ఏపీకి నెంబర్లు కేటాయించిన కేంద్రం. అక్రమ మైనింగ్‌, అనధికార మద్యం అమ్మకాలపై.. ఫిర్యాదులకు నెంబర్లు కేటాయించిన కేంద్ర సర్కార్‌. అక్రమ మైనింగ్‌పై ఫిర్యాదు కోసం 14400 నెంబర్‌.. అనధికార మద్యంపై ఫిర్యాదుకు 14500 నెంబర్‌ కేటాయింపు.
  • మళ్లీ పెరిగిన బంగారం ధరలు. పెళ్లిళ్ల సీజన్‌ కొనుగోళ్లతో పెరిగిన పసిడి ధరలు. 10గ్రాముల 24క్యారెట్ల బంగారంపై రూ.225 పెంపు. రూ.38,715 పలుకుతున్న 10గ్రాముల బంగారం. రూ.440 పెరిగి రూ.45,480కి చేరిన కిలో వెండి ధర.
  • ఛండీగడ్‌: 2019 ప్రపంచ కబడ్డీ కప్‌కు పంజాబ్ ఆతిథ్యం. డిసెంబర్‌ 1 నుంచి 9 వరకు మ్యాచ్‌ల నిర్వహణ. సుల్తాన్‌పూర్‌ లోధిలోని గురునానక్‌ స్టేడియంలో ప్రారంభ వేడుక. ప్రపంచ కబడ్డీ టోర్నీలో పాల్గొననున్న భారత్, అమెరికా, శ్రీలంక.. ఆస్ట్రేలియా, ఇంగ్లాండ్, కెన్యా, న్యూజిలాండ్‌, పాకిస్తాన్‌, కెనడా జట్లు.
  • ఓటర్ల జాబితా సవరణకు కొత్త షెడ్యూల్‌ విడుదల. జనవరి 1, 2020 అర్హత తేదీతో ఓటర్ల జాబితా సవరణ. ఓటర్ల వివరాల పరిశీలనకు ఈనెల 30 తుది గడువు. డిసెంబర్‌ 16న ఓటర్ల జాబితా ముసాయిదా ప్రచురణ. 2020, జనవరి 15న అభ్యంతరాలు, వినతుల స్వీకరణ.
  • టిక్‌టాక్‌కు పోటీగా త్వరలో ఇన్‌స్టాగ్రామ్‌ కొత్త ఫీచర్‌. రీల్స్‌ పేరిట ఓ కొత్త ఫీచర్‌ అందుబాటులోకి. ఇన్‌స్టాగ్రామ్‌లోని ఎక్స్‌ప్లోర్‌ సెక్షన్‌లో కొత్త ఫీచర్. కొత్త ఫీచర్‌లో టిక్‌టాక్ మాదిరిగా వీడియోలు క్రియేట్‌ చేసే సౌకర్యం.

బాబు హెచ్చరించిన మర్నాడే మరో 2 కేసులు

ఇప్పటికే ఏపీలో ఉప్పు, నిప్పులా మారిన టిడిపి, వైసీపీ నేతల, వారి వర్గాల మధ్య రగడ మరింత ముదురుతోంది. పలువురు టిడిపి నేతలిప్పటికే పలు కేసుల్లో ఇరుక్కుని బెయిళ్ళ కోసం తిప్పలు పడుతుండగా.. తాజాగా మరో ఇద్దరు ఎమ్మెల్యేలకు షాక్ తగిలింది. తాజాగా విశాఖ జిల్లాకు చెందిన ఇద్దరు తెలుగుదేశం పార్టీ ఎమ్మెల్యేలపై పోలీసులు కేసు నమోదు చేశారు. విశాఖ నగరానికి చెందిన వెలగపూడి రామకృష్ణబాబు, వాసుపల్లి గణేశ్ లిద్దరిపై పోలీసులు కేసులు నమోదు చేశారు. పోలీసుల అనుమతి లేకుండా నగరంలో ర్యాలీ నిర్వహించారన్నది వారిపై మోపిన అభియోగం.

తమ పార్టీ అధినేత చంద్రబాబు విశాఖ నగరానికి వచ్చిన సందర్భంలో ఎలాంటి అనుమతి లేకుండా వారిద్దరు స్వాగత ర్యాలీలో నిర్వహించడమే వీరి నేరమని పోలీసులు చెబుతున్నారు. అనుమతి లేదంటూ అడ్డుకునేందుకు వెళ్ళిన పోలీసులపై ఈ ఇద్దరు ఎమ్మెల్యేలు దురుసుగా ప్రవర్తించారని ట్రాఫిక్ పోలీసులు ఫిర్యాదు చేయడంతో సివిల్ పోలీసులు ఈ మేరకు కేసులు నమోదు చేశారు.

గురువారం విశాఖ పర్యటనకొచ్చిన టిడిపి అధినేత చంద్రబాబు తమ పార్టీ శ్రేణులపై ఆంక్షలు విధించడాన్ని తీవ్రంగా తప్పు పట్టారు. పోలీసులు ఓవరాక్షన్ మానుకోవాలని హెచ్చరించారు. ఆయన ఈ మేరకు హెచ్చరిక చేసిన 24 గంటల్లోనే పోలీసులు ఇద్దరు ఎమ్మెల్యేలపై కేసులు నమోదు చేయడం విశేషం.