కోడి పుంజుకు లిఫ్ట్ ఇచ్చిన బుడ్డోడు.. ఏంచేశాడో చూడండి !!

ఓ చిన్న కుర్రాడు తన ఇంటిముందు చిన్న సైకిలుతో ఆడుకుంటూ ఉన్నాడు. ఆ సైకిలుకి తను ఆడుకునే లారీ బొమ్మను ఓ పొడవాటి తాడుతో కట్టి అందులో ఏదో లోడ్‌ తీసుకెళ్తున్నట్టుగా అడుకుంటున్నాడు. అక్కడ సమీపంలోనే ఓ బాతు, కోడిపుంజు ఆహారం కోసం వెతుక్కుంటూ మేత మేస్తున్నాయి. ఇంతలో ఆ బుడ్డోడికి ఓ ఐడియా వచ్చింది. అక్కడ మేత మేస్తున్న కోడిపుంజును తనతోపాటు తీసుకెళ్లాలనుకున్నాడు. అంతే వెంటనే ఆకోడి పుంజును పట్టుకొని తన లారీపై ఉంచాడు. తర్వాత సైకిలును నడిపించుకుంటూ తన ఇంటివైపు కదిలాడు. ఆ బుడ్డోడు అలా తనను లారీలో తీసుకువెళ్తుంటే ఆ కోడి పుంజు భలే ఎంజాయ్‌ చేసింది. అలా కోడిపుంజుకు బుడ్డోడు లిఫ్ట్‌ ఇవ్వగా బాతు వారి వెంట నడుచుకుంటూ వెళ్లింది. ఇదంతా ఎవరో వీడియో తీసి సోషల్‌ మీడియాలో పోస్ట్‌ చేశారు. ఈ వీడియో ప్రస్తుతం నెట్టింట తెగ వైరల్‌ అవుతోంది. ఈ వీడియో చూసిన నెటిజన్లు రకరకాలుగా స్పందించారు. ఈ వీడియో చూసాక తన మూడ్ మారిపోయిందని, మనసుకు చాలా ప్రశాంతత కలిగిందని ఓ నెటిజన్ అంటే.. చిన్నారుల స్వచ్ఛమైన మనసును చూసి ప్రకృతి కూడా పులకించిపోతుందని మరొకరు కామెంట్ చేశారు. ఆ బాలుడు కోడి పుంజుకు లిఫ్ట్ ఇచ్చి తీసుకువెళ్తుండగా అతడి తండ్రి ఈ వీడియో తీసినట్లు తెలుస్తోంది.

మరిన్ని వైరల్ వీడియోల కోసం ఇక్కడ క్లిక్ చేయండి

Also Watch:

వీళ్లు మాములు దొంగలు కాదు సుమీ.. నిమిషంలో రూ.7 కోట్లు మాయం !!