ఫుడ్ కోసం పక్కా స్కెచ్.. నోటికందగానే సూపర్‌ ట్విస్ట్ ఇచ్చిన కుక్క..

సోషల్ మీడియాలో ఎప్పుడు ఏ వీడియో వైరల్ అవుతుందో ఎవరికీ తెలియదు. ముఖ్యంగా జంతువులకు సంబంధించిన వీడియోలు.. నెట్టింట్లో బాగా ఆకట్టుకుంటాయి. తాజాగా ఓ కుక్కకు సంబంధించిన వీడియో నెట్టింట్లో చర్చనీయాంశమైంది. ఈ వీడియోలో ఓ కుక్క చేసిన యాక్టింగ్ చూస్తే మాత్రం.. నవ్వకుండా ఉండలేరు. దాని తెలివికి నోరెళ్లబెట్టక మానరు. ప్రస్తుతం ఈ వీడియో నెట్టింట రచ్చ రచ్చ చేస్తుంది. వైరల్ అవుతున్న వీడియోలో ఓ కుక్క కాలుకి గాయమైన బాధపడుతున్నట్టుగా ఒక కాలు పైకి ఎత్తి నిలబడింది. కాసేపటికి అది కుంటుతూ నడుస్తూ కాస్త ముందుకు వెళ్లింది. అక్కడ ఓ కెమెరా మెన్‌ ఉన్నాడు. అతని వద్ద బ్రెడ్‌ ఉంది. దాని పరిస్థితి చూసి ఆ బ్రెడ్‌ దానికి ఆహారంగా వేశాడు ఆ కెమెరామెన్‌. అంతే బ్రెడ్ నోటిలో పడగానే ఆ కుక్క తన కాళ్ళకేమీ కాలేదు అన్నట్టుగా ఎంతో వేగంగా నడుస్తూ రోడ్డు దాటేసింది. అప్పుడు అసలు విషయం అర్థమయింది ఆ వ్యక్తికి. ఈ కుక్క కేవలం ఫుడ్ కోసమే అలా యాక్టింగ్ చేసిందని. ఫుడ్‌ కోసం కుక్క వేసిన ఐడియాకి నెటిజన్లు నవ్వుకుంటున్నారు. రకరకాల కామెంట్లు చేస్తూ హోరెత్తిస్తున్నారు.

మరిన్ని వైరల్ వీడియోల కోసం ఇక్కడ క్లిక్ చేయండి

Also Watch:

క్లాస్‌ రూమ్‌లో బాలిక స్కూల్‌ డ్రెస్‌ విప్పించిన టీచర్.. పైగా ఫోటోలు షేర్