పుష్కరానికోసారి పూసే అరుదైన పుష్పం.. చూడాలంటే అదృష్టం ఉండాలి

ప్రకృతిలో కొన్ని వింతలు పది కాలాల పాటు గుర్తుండిపోతాయి. అలాంటి ఒక అద్భుతమే పశ్చిమ కనుమల్లో విరిబూసే ‘నీలకురింజి’ పూలు. మనకు పుష్కరాలు వచ్చినట్లుగానే, పన్నెండేళ్లకు ఒక్కసారి మాత్రమే ఈ పూలు వికసిస్తాయి. ఈ అరుదైన దృశ్యం ఆవిష్కృతమైనప్పుడు పర్వత శ్రేణులు నీలి రంగు సముద్రంలా మెరిసిపోతాయి. అయితే, ప్రస్తుతం ఈ మొక్కలు అంతరించిపోయే ప్రమాదంలో పడటం పర్యావరణవేత్తలను ఆందోళనకు గురిచేస్తోంది. దక్షిణ భారతదేశంలోని కేరళ, తమిళనాడు, కర్ణాటక రాష్ట్రాల్లోని ఎత్తైన కొండ ప్రాంతాల్లో ఈ నీలకురింజి పెరుగుతుంది. సముద్ర మట్టానికి 1300 నుండి 2600 మీటర్ల ఎత్తులో పెరిగే ఈ పొదలు ఊదా, నీలి రంగు పూలను పూస్తాయి. ఈ పూల వల్లే ఆ ప్రాంతానికి ‘నీలగిరి’ పర్వతాలనే పేరు వచ్చిందని ప్రతీతి. టొడా, పాలియన్ వంటి గిరిజన తెగలు ఈ పుష్పాలను పవిత్రంగా భావిస్తారు. చివరిగా 2018లో పూసిన ఈ పూలు, మళ్లీ 2030లో పర్యాటకులకు దర్శనమివ్వనున్నాయి. టీ, కాఫీ తోటల విస్తరణ మరియు పర్యాటక రంగం పెరుగుదల కారణంగా ఈ మొక్కల ఆవాసాలు దెబ్బతింటున్నాయి. ఈ క్రమంలో బొటానికల్ సర్వే ఆఫ్ ఇండియా (BSI) ప్రత్యేక పరిశోధనలు ప్రారంభించింది. బాబాబుదాన్ గిరి, కుడ్రేముఖ్, నీలగిరి వంటి ప్రాంతాల్లో ఈ మొక్కలకు ఎదురవుతున్న సవాళ్లను ముగ్గురు సభ్యుల కమిటీ అంచనా వేయనుంది. కేంద్ర పర్యావరణ మంత్రిత్వ శాఖ ఈ మొక్కను పర్యావరణపరంగా అత్యంత కీలకమైనదిగా గుర్తించింది. అంతర్జాతీయ ప్రకృతి పరిరక్షణ సంఘం జాబితాలో చేరడంతో, 2024 నుండి దీనికి అంతర్జాతీయ స్థాయిలో ప్రాధాన్యత పెరిగింది. ప్రకృతి ప్రసాదించిన ఈ నీలి అందాలను కాపాడుకోవడం మనందరి బాధ్యత అంటున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

భూమి కింద మిస్సైల్ బేస్‌.. ప్రపంచానికి చాటిన’ఇరాన్’

ప్రియుడిని పిలిచి ప్లాన్ చేసి.. భర్తను వాకింగ్‌కు తీసుకెళ్లింది.. కట్ చేస్తే..

సముద్రంలో 4 కి.మీ ఈది, కుటుంబాన్ని కాపాడుకున్న 13 ఏళ్ల బాలుడు

ప్రయాణికుడిపై పడిన వేడి వేడి కూర.. విమాన సంస్థకు దిమ్మ తిరిగే జరిమానా

Gold Price Today: రోజు రోజుకి భారీగా పడిపోతున్న బంగారం, వెండి ధరలు