సముద్రంలో 4 కి.మీ ఈది, కుటుంబాన్ని కాపాడుకున్న 13 ఏళ్ల బాలుడు

స్ట్రేలియాలో 13 ఏళ్ల బాలుడు అతిపెద్ద సాహసం చేశాడు. పెర్త్‌కు చెందిన జోవాన్ అప్పెల్బీ తన ముగ్గురు పిల్లలతో కలిసి చిన్న పడవలు, పెడల్ బోర్డుల సహాయంతో సముద్రంలో విహారానికి వెళ్లింది. కొద్దిదూరం వెళ్లాక వాతావరణం మారిపోయి సముద్రం అల్లకల్లోలంగా మారి వారు సముద్రానికి దూరంగా కొట్టుకుపోయారు.తల్లి సూచనతో పెద్ద కుమారుడు ఆస్టిన్ అప్పెల్బీ ఓ చిన్న పడవపై తీరం వైపు బయలుదేరాడు. అందులోకి నీరు చేరడంతో దానిని వదిలేశాడు. తనకు ఇబ్బందిగా ఉండటంతో లైఫ్ జాకెట్ కూడా పక్కన పడేసి అలల నడుమ దాదాపు నాలుగు కిలోమీటర్లు ఈది ఒడ్డుకు చేరుకున్నాడు. సముద్రంలో నాలుగు గంటల పాటు ఈదిన బాలుడు ఒడ్డుకు చేరుకుని అధికారులకు తన తల్లి జోవాన్ , సోదరుడు బ్యూ, సోదరి గ్రేస్ సముద్రంలో చిక్కుకుపోయిన సమాచారాన్ని అందించాడు. అతను ఇచ్చిన సమాచారం ఆధారంగా అధికారులు హెలికాప్టర్ సాయంతో అతని కుటుంబం కోసం గాలింపు చేపట్టారు. ఆ సమయానికే వారు తీరానికి 14 కిలోమీటర్ల దూరం వెళ్లిపోయారు. పెడల్ బోర్డులను పట్టుకుని వేలాడుతూ కనిపించిన వారిని అధికారులు సురక్షితంగా తీసుకువచ్చారు. నలుగురికీ వైద్య పరీక్షలు చేయగా, ఆసుపత్రిలో చేరాల్సిన అవసరం లేదని వైద్యులు తెలిపారు. భారీ అలల నడుమ ఈత కొడుతూ తాను ఒడ్డుకు చేరుకున్నానని ఆస్టిన్ తెలిపాడు. 13 ఏళ్ల బాలుడు పెద్ద సాహసం చేశాడని పోలీసు అధికారి జేమ్స్ బ్రాడ్లీ అన్నారు. అతని సాహసం, సంకల్పం తన తల్లి, సోదరులను కాపాడిందని అన్నారు. తామంతా సముద్రంలో చిక్కుకుపోవడంతో తాను వారిని వదిలి వెళ్లలేని పరిస్థితుల్లో పెద్ద కుమారుడిని ఈత కొడుతూ ఒడ్డుకు చేరుకోమని సూచించానని తల్లి జోవాన్ తెలిపారు. ఆస్టిన్‌ను ఒక్కడినే పంపించడం తన జీవితంలో తీసుకున్న అత్యంత కఠిన నిర్ణయమని అన్నారు. సముద్రంలో కొట్టుకుపోయిన మొదట్లో ధైర్యంగా ఉన్నప్పటికీ చీకటి పడే కొద్దీ అలలు ఉద్ధృతంగా మారడంతో ఆందోళన కలిగిందని అన్నారు. తన ముగ్గురు పిల్లలు బతికి బయటపడ్డారు అది చాలని అన్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

ప్రయాణికుడిపై పడిన వేడి వేడి కూర.. విమాన సంస్థకు దిమ్మ తిరిగే జరిమానా

Gold Price Today: రోజు రోజుకి భారీగా పడిపోతున్న బంగారం, వెండి ధరలు

ఇన్‌స్టంట్ ఎనర్జీ ఇచ్చే ప్రీ-యోగా’ ఫుడ్స్

ఆ ఫ్యాన్సీ నంబర్ ప్లేట్ ధర.. రూ 2.08 కోట్లు .. కొన్నది ఎవరంటే ??

కోటి సంపాదిస్తూ పన్నులు కట్టే టెకీ కి భద్రత ఏది ?? వైరల్‌గా పోస్ట్‌