Monkey Viral Video: అల్లం నోట్లో పెట్టుకొని కెవ్వుమన్న కోతి మామ..! సోషల్ మీడియాలో చక్కర్లు కొడుతున్న ఫన్నీ వీడియో..

సాధారణంగా కోతి చేష్టలు చూస్తే నవ్వోస్తుంటాయి. అవి చేసే అల్లరి గురించి తెలిసిందే. ఎంత భయంకరమైన జంతువునైనా తమ అల్లరితో ఓ ఆట ఆడుకుంటాయి. ఇక ఇటీవల సోషల్ మీడియాలో కోతులకు సంబంధించిన వీడియోలు చక్కర్లు కొడుతున్నాయి. అవి చూస్తే కడుపుబ్బా నవ్వాల్సిందే. అలాంటి వీడియోనే ఇప్పుడు నెట్టింట్లో వైరల్ అవుతుంది. ఆకలితో ఉన్న కోతి అల్లం తింటే ఎలాంటి ప్రవర్తిస్తుందో ఆ వీడియోలో చూడొచ్చు.

ఆ వీడియోలో కొన్ని కోతులుగా వరుసగా కూర్చున్నాయి. అక్కడకు వచ్చిన ఓ వ్యక్తి ఓ కోతికి అల్లం ఇచ్చాడు. ఆ అల్లం ముక్కను నోట్లో పెట్టుకోగానే అల్లం ఘాటుకు ఒక్కసారిగా కంగుతిన్నది. దీంతో ఆ అల్లం ముక్కలను నెలకేసి కొట్టింది. కోతి ప్రవర్తన నవ్వులు పూయిస్తుంది. ఈ వీడియోను ఐఎఫ్ఎస్ అధికారి సుశాంత నందా షేర్ చేశారు. ‘కోతికేం తెలుసు అల్లం రుచి?’ అంటూ క్యాప్షన్ పెట్టారు. ఈ వీడియో ఇప్పుడు నెట్టింట తెగ హల్‌చల్ చేస్తోంది. నెటిజన్లు దీనిపై రకరకాల కామెంట్స్ చేస్తున్నారు.