మనిషి క్రూరత్వం.. పిల్లిని 9వ అంతస్తు నుంచి విసిరేసాడు

ఈ ఘటనలో నిందితుడిపై కేసు కూడా నమోదైంది. వైరల్ అయిన సిసిటివి ఫుటేజ్‌ ప్రారంభంలో, కిటికీ దగ్గర ఓ షూ రాక్‌పై ఒక పిల్లి నిలబడి ఉన్నట్లు చూడవచ్చు. కొద్దిసేపటి తర్వాత, ఒక వ్యక్తి బ్యాగ్‌లు తీసుకుని అటుగా వచ్చి కోపంగా పిల్లి వైపు చూస్తూ లిఫ్ట్‌ దగ్గరికి వెళ్లాడు. అయితే, ఆ వ్యక్తి తర్వాతి క్షణంలో చేసిన పని చూసి నెటిజన్లు అవాక్కవుతున్నారు. ఆ వ్యక్తి బ్యాగ్‌లను లిఫ్ట్‌ పక్కగా పెట్టి లిఫ్ట్‌ బటన్‌ నొక్కాడు. లిఫ్ట్‌ వచ్చే లోపే అతనిలోని అమానవీయ గుణం మేల్కొంది. పిల్లి ఉన్న చోటికి తిరిగి వచ్చి, ఆపై పిల్లిని పట్టుకుని తొమ్మిదవ అంతస్తు కిటికీ నుండి కిందకు విసిరేయడం వీడియోలో స్పష్టంగా కనబడుతోంది. ఆ మూగ జంతువు నేరుగా తొమ్మిదో అంతస్తు నుంచి కింది అంతస్తులోని మెటల్ షీట్‌పై పడి అక్కడికక్కడే మరణించినట్లు సమాచారం. నిందితుడిని అదే బిల్డింగ్‌లోని ఓ ఫ్లాట్‌ యజమాని కసమ్ సయ్యద్‌గా గుర్తించారు. సోషల్ మీడియాలో వైరల్ అవుతున్న మరో వీడియోలో, సయ్యద్ ఇంటి తలుపును చూపిస్తూ అతను పిల్లిని దారుణంగా విసిరిన ప్రదేశాన్ని మరొక వ్యక్తి వీడియో తీసారు. ఆ వ్యక్తి నిందితుడిపై పోలీసులకు ఫిర్యాదు కూడా చేసాడు. ఫిర్యాదు కాపీని కూడా వీడియోలో చూపించాడు. వీడియోలో, ఆ వ్యక్తి న్యాయం కోసం డిమాండ్ చేసాడు. ఈ వీడియో కూడా సోషల్‌ మీడియాలో వైరల్‌ అవుతోంది. మూగజీవులపై అమానవీయంగా వ్యవహరించే నిందితులపై కఠిన చర్యలు తీసుకోవాలని నెటిజన్లు డిమాండ్ చేస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

కొత్త ఫ్లాట్‌లు కొనే వారికి అలర్ట్.. ఈ చిన్న లాజిక్ మిస్ అయితే మీ కొంప కొల్లేరే..!

స్నేక్ క్యాచర్ ను చూసి హడలెత్తిపోయిన కోడెనాగు.. ఏం చేసిందో తెలుసా..?

మాల్‌లో కుక్కను తెచ్చిన అమ్మాయి.. కుక్కను చూసి జనం షాక్‌