సార్.. మీ కాళ్లు మొక్కుతా.. నన్ను పాస్ చేయండి

పరీక్షలంటే కొందరు విద్యార్ధులకు చాలా భయంగా ఉంటుంది. ఎంత బాగా చదివినా పరీక్ష హాల్‌లోకి వెళ్లాక పరీక్ష సరిగా రాయలేకపోతారు. దీంతో కొందరు పేపరు ఖాళీగా వదిలేస్తారు, మరికొందరు సినిమా పాటలు రాస్తారు. కానీ, తెలంగాణకు చెందిన ఓ ఇంటర్ విద్యార్థి మాత్రం తన పాస్ మార్కుల కోసం ఏకంగా ఎగ్జామినర్ మనసు కరిగించేలా తన ‘క్రియేటివిటీ’ని ప్రదర్శించాడు. ప్రస్తుతం ఈ విద్యార్థి రాసిన ఆన్సర్ షీట్ సోషల్ మీడియాలో వైరల్ అవుతోంది. తెలంగాణలో ఇంటర్ పరీక్షలు ముగిసి, ప్రస్తుతం మూల్యాంకనం జరుగుతోంది. ఈ క్రమంలో ఓ విద్యార్థి రాసిన జవాబు పత్రం చూసి ఎగ్జామినర్ అవాక్కయ్యారు. ఆ విద్యార్థి ప్రశ్నలకు సమాధానాలు రాయకుండా.. ఓ గురువు కాళ్లపై శిష్యుడు పడి నమస్కరిస్తున్నట్లుగా ఒక బొమ్మ గీశాడు. ఆ బొమ్మలో గురువును ‘సార్’ అని, తనను ‘నేను’ అని నామకరణం చేసి, “సార్.. మీ కాళ్లు మొక్కుతా.. నన్ను పాస్ చేయండి” అంటూ దీనంగా వేడుకున్నాడు. “సార్.. నాకు అమ్మానాన్న లేరు. గురువులే నాకు తల్లిదండ్రులు. నేను దేవుడిని నమ్ముతున్నాను.. ఆ దేవుడు కూడా మీరే సార్. నేను ఎంతో కష్టపడి చదివిన ప్రశ్నలేవీ పరీక్షలో రాలేదు. దయచేసి ఈ ఒక్కసారికి నన్ను పాస్ చేయండి.. మీ మేలు ఎప్పటికీ మర్చిపోను. ప్లీజ్ సార్!” అంటూ రాసుకొచ్చాడు. ఈ ఆన్సర్ షీట్‌ను చూసిన ఎగ్జామినర్ దానిని ఫోటో తీసి సోషల్ మీడియాలో పోస్ట్ చేయడంతో అది కాస్తా వైరల్‌గా మారింది. దీనిపై నెటిజన్లు రకరకాలుగా స్పందిస్తున్నారు. “పాపం ఆ అబ్బాయి పరిస్థితి చూడండి” అని కొందరు అంటుంటే, ఇలాంటి వింతలు ప్రతీ ఏడాది కామనే కదా! అని మరికొందరు కామెంట్ చేస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

Gold Price Today: యుద్ధం ఎఫెక్ట్‌.. భారీగా తగ్గుతున్న బంగారం ధర

Rashmika Mandanna: చలాకీగా సందడి చేస్తున్న రష్మిక మందన్న

Dhurandhar 2: బెస్ట్ టాక్‌ తో దూసుకుపోతున్న ధురంధర్2

పదేళ్ల ప్రస్థానం గురించి మాట్లాడిన భూమి ఫడ్నేకర్

2026లో అందాల భామల ఆశలు నెరవేరేనా ??