Hyderabad: అమ్మ దొంగ.. గణేశ్ లడ్డూను సైలెంట్ తస్కరించాడు…

మీరు వినాయకుడ్ని ప్రతిష్ఠించి పూజలు చేస్తున్నారా…? అయితే మీకే ఈ అలెర్ట్. లడ్డూ దొంగలు.. విఘ్నేశ్వరుడి నైవేధ్యాన్ని కాజేసేందకు కాచుకు కూర్చున్నారు. నైట్ పూజ ఎవ్వరూ లేని సమయంలో చూసి.. లడ్డూలు ఎత్తేస్తున్నారు. తాజాగా హైదరాబాద్ – మియాపూర్ పరిధిలోని మదీనాగూడలో గణేష్ మండపం వద్ద పెట్టిన 11కేజీల లడ్డు దొంగతనం చేస్తూ ఓ యువకుడు సీసీటీవీ కెమెరాలలో దొరికాడు. బుధవారం తెల్లవారుజామున 4:20 గంటల ప్రాంతంలో 22 నుంచి 25 ఏళ్ల మధ్య వయసున్న ఓ వ్యక్తి గణేష్‌ పండల్‌లోకి ప్రవేశించి లడ్డూను తస్కరించాడు. తాజాగా ఆ వీడియో వైరల్‌గా మారింది. మరీ దేవుడి లడ్డూ కూడా కొట్టేసిన ఈ దొంగను తిట్టి  పోస్టున్నారు నెటిజన్లు. నిర్వాహకులు పోలీసులకు ఫిర్యాదు చేయగా.. కేసు నమోదు అయ్యింది. లడ్డూ దొంగను ట్రేస్ చేసే పనిలో ఉన్నారు పోలీసులు.

మరిన్ని తెలంగాణ వార్తల కోసం క్లిక్‌ చేయండి.