దృశ్యం సినిమాను తలపించేలా వరుస చోరీలు వీడియో

చారణలో పోలీసులకు అన్ని పిట్టసంగతులు చెప్పి దర్యాప్తును దారి మళ్ళించాడు. చోరీలకు అలవాటుపడిన చిలువేరు ప్రశాంత్ మే 30న ఎలికటి దిలీప్ ఇంట్లో దొంగతనాలకు వెళ్ళాడు. ఆ సమయంలో ఇంట్లో దివ్య అనే గర్భిణి అతన్ని గమనించింది. దీంతో తన భాగోతం బయటపడుతుందని భావించిన ప్రశాంత్ ఆమెను చంపేందుకు ప్రయత్నం చేశాడు. కొడవలితో తలపై దాడి చేశాడు. ఆమె చనిపోయిందనుకొని ఒంటిపై ఉన్న మూడు తులాల బంగారంతో అక్కడి నుంచి పరారయ్యాడు. ఆ తర్వాత ఏమి తెలియనట్లుగానే వెనక్కి వచ్చి భార్యతో కలిసి కమలాపూర్ ఆసుపత్రికి కాల్ చేశాడు. తనే దగ్గరుండి గాయపడిన గర్భిణిని గ్రామస్తులతో కలిసి కమలాపూర్ ఆసుపత్రికి తరలించి అక్కడి నుంచి వెళ్లిపోయాడు. కాగా ఆసుపత్రికి వెళ్ళాక స్పృహలోకి వచ్చిన గర్భిణి తనపై చిలువేరు ప్రశాంత్ దాడి చేసినట్లు కుటుంబ సభ్యులకు తెలిపింది. భాధితురాలు ఇచ్చిన సమాచారంతో పోలీసులు విచారణ చేపట్టారు.