మహిళ మెడలో గొలుసు కొట్టేయాలనుకున్నాడు.. చివరికి
ఇటీవల దొంగలు చిత్ర విచిత్రంగా ప్రవర్తిస్తున్నారు. కొందరు దొంగలు చోరీలకు వెళ్లి అదే ఇళ్లలో వంట చేసుకొని భోజనం చేసి, ఉదయం పోలీసులు వచ్చి బేడీలు వేసేవరకూ హాయిగా నిద్రపోయిన ఘటనలు చూశాం. తాజాగా ఓ గొలుసు దొంగ మహిళ మెడలో గొలుసు కొట్టేసేందుకు ప్రయత్నించి విఫలమయ్యాడు. తిరిగి అదే మహిళ వద్ద డబ్బులు అడిగి తీసుకొని వెళ్లిన ఘటన థాయ్లాండ్లో జరగింది.
థాయ్లాండ్లో ఓ వ్యక్తి మహిళ మెడలోని బంగారు గొలుసు చోరికి యత్నించి విఫలమై.. ఆ మహిళకు క్షమాపణలు చెప్పాడు. ఆ ఘటన అక్కడ ఉన్న సీసీటీవీలో రికార్డ్ కాగా.. ప్రస్తుతం ఆ వీడియో సోషల్ మీడియాలో వైరల్గా మారింది. వీడియోలో.. ఓ మహిళ రోడ్డుపై వెళ్తుండగా ఓ వ్యక్తి ముఖానికి మాస్క్ , హెల్మెట్ పెట్టుకొని ఆమె మెడలోని బంగారు గొలుసు లాక్కెళ్లడానికి ప్రయత్నించాడు. ఆ క్రమంలో గొలుసు తెగిపోయింది. వెంటనే అప్రమత్తమైన ఆమె అతడిని చాకచక్యంగా పట్టుకొని ఆపింది. ఆ మహిళ పోలీసులను పిలుస్తుందని భయపడ్డాడో లేక నలుగురినీ పిలిచి దేహశుద్ధి చేయిస్తుందని భావించాడో కానీ వెంటనే ఆ దొంగ రెండు చేతులు జోడించి ఆ మహిళను క్షమించమని వేడుకున్నాడు. అంతేకాదు, తనకు డబ్బు చాలా అవసరముందని డబ్బులు ఉంటే ఇవ్వమని వినయంగా అడిగాడు. ఊహించని పరిణామానికి షాకయిన ఆ మహిళ తేరుకొని 100 భాట్ అంటే భారతీయ కరెన్సీలో రూ.270ల క్యాష్ని అతని చేతుల్లో పెట్టింది. నెట్టింట వైరల్ అవుతున్న ఈ వీడియోపై నెటిజన్లు రకరకాలుగా స్పందిస్తున్నారు. చేసిన అపరాధానికి క్షమాపణలు తెలిపిన మంచి దొంగ అని ఓ నెటిజన్ కామెంట్ చేస్తే..మరొకరు అతనికి దొంగతనం చేయడం కూడా రాదు బ్రో అని కామెంట్ చేశాడు.
మరిన్ని వీడియోల కోసం ఇక్కడ క్లిక్ చేయండి
Also Watch:
క్యాన్సర్ నుంచి శాశ్వత విముక్తి..అందుబాటులోకి ‘రివర్ట్’ టెక్నాలజీ
వాట్సాప్ నుంచి అదిరిపోయే అప్డేట్.. ఇక కాల్స్ షెడ్యూలింగ్ సాధ్యమే
మీ బ్యాంకు ఖాతాలో మినిమం బ్యాలెన్స్ ఉందా