దారిచ్చిన వ్యక్తికి ఏనుగు థ్యాంక్స్‌ చెప్పిందిలా.. గజరాజు వైరల్ వీడియో

అడవుల విస్తీర్ణం ఏటేటా తగ్గిపోతోంది. దీంతో జంతువులు ఆహారం కోసం, తాగు నీటి కోసం సమీప గ్రామాల్లోకి వస్తున్న ఘటనలు తరచుగా చోటు చేసుకుంటున్నాయి. వీటిలో ఏనుగులు తమదైన కొన్ని ప్రత్యేకమైన లక్షణాలను కలిగి ఉంటాయి. ఏనుగులు గుంపులుగా జీవిస్తాయి. ఏనుగులు పర్యావరణ వ్యవస్థలో “కీస్టోన్ స్పీసీస్”గా పనిచేస్తాయి, అంటే వాటి ఉనికి ఇతర జాతుల మనుగడకు, మొత్తం పర్యావరణ వ్యవస్థ ఆరోగ్యానికి చాలా అవసరం. ఏనుగులకు కూడా కృతజ్ఞతా భావం ఉంటుందని నిరూపించే ఓ ఘటన ప్రస్తుతం సోషల్ మీడియాలో అందరి హృదయాలను గెలుచుకుంటోంది. అడవి మార్గంలో వెళ్తున్న ఏనుగుల గుంపు రోడ్డు దాటేందుకు ప్రయత్నించడాన్ని ఓ వాహనదారుడు గమనించాడు. వెంటనే తన వాహనాన్ని ఆపి, వెనుక వస్తున్న ఇతర వాహనాలను కూడా నిలిపివేశాడు. గజరాజుల మంద అంతా సురక్షితంగా రోడ్డు దాటే వరకు ఓపికగా ఎదురుచూశాడు. మంద అంతా రోడ్డు దాటిన తర్వాత అందులోని ఓ పెద్ద ఏనుగు వెనక్కి తిరిగి తమకు సహకరించిన ఆ వ్యక్తి వైపు చూస్తూ, గౌరవంగా తన తొండాన్ని పైకి ఎత్తి ఊపింది. ఈ దృశ్యం చూసిన వారికి అది మనస్ఫూర్తిగా కృతజ్ఞతలు తెలుపుతున్నట్లుగా అనిపించింది. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది. ఏనుగుల గుంపు రోడ్డు దాటేందుకు సహకరించిన ఓ వ్యక్తికి, ఆ మందలోని ఓ గజరాజు తొండమెత్తి అభివాదం చేసిన దృశ్యం ఇప్పుడు వైరల్ అవుతోంది. తమ వారి పట్ల ప్రేమ చూపిన వ్యక్తిని, కృతజ్ఞత చాటుకున్న ఏనుగును నెటిజన్లు ప్రశంసలతో ముంచెత్తుతున్నారు. మూగజీవాలకు కూడా మనలాగే భావోద్వేగాలు ఉంటాయని, వాటి తెలివితేటలను తక్కువ అంచనా వేయకూడదని ఈ ఘటన నిరూపిస్తోందని కామెంట్లు పెడుతున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

తొమ్మిదేళ్ల నాటి రూ.10 వేల కేసు.. కట్‌ చేస్తే.. బ్యాంక్‌కు రూ. 3 ల‌క్ష‌ల జరిమానా

అసెంబ్లీని షేక్ చేసిన ‘స్నేక్’.. బడ్జెట్ వేళ మీడియా పాయింట్‌లో పాము హల్‌చల్

బెంగళూరులో ఇంటి ఓనర్ల మోసం.. ఏం జరిగిందంటే

ఆలయంలో నాగుపాము ప్రత్యక్షం: అమ్మవారి మహిమంటూ భక్తుల పూజలు

అవతార్ లో మనిషి భూమి మీద పుట్టాడురా.. ఏం జరిగిందో తెలిస్తే షాక్‌..