Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Mr.Tamilnadu: మరో బాడీ బిల్డర్‌ మిస్టర్ తమిళనాడు యోగేష్ ను మింగేసిన హార్ట్ ఎటాక్..!

Mr.Tamilnadu: మరో బాడీ బిల్డర్‌ మిస్టర్ తమిళనాడు యోగేష్ ను మింగేసిన హార్ట్ ఎటాక్..!

Anil kumar poka

|

Updated on: Oct 11, 2023 | 6:21 PM

మాయదారి గుండెజబ్బు మహమ్మారిలా మారింది. దేశంలోని ఎందరో యువతను పొట్టన పెట్టుకుంటోంది. వయసుతో సంబంధం లేకుండా చిన్న పిల్లలనుంచి యువకులు, వృద్ధులను బలితీసుకుంటోంది. కోవిడ్ తర్వాత ఇలాంటి ఘటనలు ఎక్కువగా నమోదవుతున్నాయి. అయితే ఆరోగ్య నిపుణులు మాత్రం.. కోవిడ్ కారణంగా ఇటువంటి సంఘటనలు జరగడం లేదని అంటున్నారు.

మాయదారి గుండెజబ్బు మహమ్మారిలా మారింది. దేశంలోని ఎందరో యువతను పొట్టన పెట్టుకుంటోంది. వయసుతో సంబంధం లేకుండా చిన్న పిల్లలనుంచి యువకులు, వృద్ధులను బలితీసుకుంటోంది. కోవిడ్ తర్వాత ఇలాంటి ఘటనలు ఎక్కువగా నమోదవుతున్నాయి. అయితే ఆరోగ్య నిపుణులు మాత్రం.. కోవిడ్ కారణంగా ఇటువంటి సంఘటనలు జరగడం లేదని అంటున్నారు. కానీ ఇలా గుండెపోట్లతో చనిపోతున్న వారిలో ఫిట్‌నెస్‌కు ప్రాధాన్యతనిస్తూ ఫ్యాట్‌కు దూరంగా ఉండే వారే ఉండడం చర్చనీయాంశమవుతోంది. తాజాగా ఇలాంటి ఘటనే తమిళనాడులో జరిగింది. ‘మిస్టర్ తమిళనాడు’ టైటిల్​ విన్నర్​, ప్రముఖ బాడీ బిల్డర్​ యోగేశ్​ గుండెపోటుతో మరణించారు. చెన్నై అంబత్తూర్​ మేనంపేడులోని మహాత్మా గాంధీ వీధికి చెందిన యోగేశ్​.. అనేక బాడీబిల్డింగ్ పోటీల్లో పాల్గొని పతకాలు సాధించారు. 2021లోనే 9 బాడీబిల్డింగ్ పోటీల్లో పాల్గొన్నారు. 2021లో వైష్ణవి అనే అమ్మాయిని పెళ్లి చేసుకోగా.. వీరికి రెండేళ్ల కూతురు కూడా ఉంది. పెళ్లి అనంతరం బాడీబిల్డింగ్​ పోటీలకు విరామం ప్రకటించిన యోగేశ్​.. కొరటూర్ బస్​స్టేషన్​ సమీపంలోని జిమ్​లో ట్రైనర్​గా పనిచేస్తున్నారు. ఈ క్రమంలోనే జిమ్​కు వెళ్లిన ఆయన ట్రైనింగ్ ముగించుకుని ఇంటికి వెళ్లేందుకు సిద్ధమైన యోగేశ్​.. బాత్​రూమ్​కు వెళ్లి అక్కడే కుప్పకూలిపోయారు. ఎంతసేపయినా బాత్​రూమ్​ లోపలికి వెళ్లిన యోగేశ్​.. రాకపోవడంతో అక్కడ ట్రైనీ యువకులకు అనుమానం వచ్చింది. వెంటనే తలుపులు పగలగొట్టి వెళ్లి చూడగా.. యోగేశ్​ అపస్మారక స్థితిలో ఉన్నారు. వెంటనే అప్రమత్తమైన యువకులు.. యోగేశ్‌ను స్థానిక ప్రభుత్వ ఆస్పత్రికి తరలించారు. ఆయనను పరీక్షించిన డాక్టర్లు అప్పటికే మృతి చెందినట్లు ప్రకటించారు. యోగేశ్​ గుండెపోటుతోనే మరణించినట్లు వైద్యులు ధ్రువీకరించారు. పెళ్లైన తర్వాత బాడీబిల్డింగ్​కు విరామం ప్రకటించి తక్కువ బరువులు ఎత్తుతున్న యోగేశ్​.. ఒక్కసారిగా భారీ బరువులు ఎత్తడం వల్లే ఇలా జరిగిందని తెలిపారు. దీనిపై సమాచారం అందుకున్న పోలీసులు.. యోగేశ్ పనిచేస్తున్న జిమ్​కు వెళ్లి విచారించారు. అనంతరం కేసు నమోదు చేసుకుని దర్యాప్తు చేపట్టారు.

మరిన్ని వీడియోస్ కోసం:
Videos

Allu Arjun: నేషనల్ అవార్డు విన్నర్స్.. ఈ అవార్డు ప్రైజ్‌ మనీ తెలిస్తే షాకవుతారు..!

Mahesh Babu: హాలీవుడ్‌ గడ్డపై మహేష్‌ దిమ్మతరిగే రికార్డ్‌.. సౌత్ లోనే ఒక్క మగాడిగా రికార్డు.

Viral Video: ప్రభుత్వ స్కూల్ టీచర్స్ ఓవర్ యాక్షన్.. నుదుట బొట్టు, తలలో పూలతో వచ్చారని శిక్ష..