Anil kumar poka |
Updated on: Jan 27, 2023 | 9:14 AM
కర్ణాటకలో మరో దారుణం వెలుగు చూసింది. బెంగుళూరు మహానగరంలో మహిళలపై అఘాయిత్యాలు హడలెత్తిస్తున్నాయి. ప్రేమను తిరస్కరించిన నేరానికి రాశి అనే విద్యార్థిని అత్యంత దారుణంగా హతమార్చాడు ఓ దుర్మార్గుడు. యలహంకలో నడుచుకుంటూ వెళుతోన్న యువతిని వెంబడించిన దుండగుడు.. కత్తితో గొంతుకోసి హత్య చేశాడు. ఈ దారుణానికి ఒడిగట్టింది మధుచంద్ర అనే టెంపో డ్రైవర్ గా పోలీసులు గుర్తించారు. యలహంక ప్రభుత్వ డిగ్రీ కాలేజీలో డిగ్రీ మొదటి సంవత్సరం చదువుతోన్న రాశిని గత కొంతకాలంగా ప్రేమించాలని వేధిస్తోన్నాడు మధుచంద్ర అనే టాక్సీ డ్రైవర్. ఒంటరిగా నడుచుకుంటూ వెళుతున్న యువతినిని వెంబడించిన నిందితుడు.. “ప్రేమిస్తావా? లేదా” అంటూ రాశి గొంతుపై కత్తిపెట్టి నిలదీశాడు. రాశి ఆ యువకుడి ప్రేమను తిరస్కరించడంతో కత్తితో గొంతుకోసి అత్యంత దారుణంగా హతమార్చాడు మధుచంద్ర. తీవ్రంగా గాయపడ్డ బాధితురాలిని స్థానికులు ఆసుపత్రికి తరలించినా ఫలితం లేకపోయింది. ఇటీవల రాజానుకుంటలో విద్యార్థిని దారుణ హత్య మరువక ముందే మరో ఘటన బెంగుళూరులో ఆందోళనకు గురిచేస్తోంది. కాగా, ఈ ఘటనకు సంబంధించి కేసు నమోదు చేసుకున్న పోలీసులు దర్యాప్తు చేపట్టారు..
మరిన్ని వీడియోస్ కోసం:
Videos
Kantara Movie: అరెరె.. ‛కాంతార’ చిత్రంలో ఈ లాజిక్ ఎలా మిస్సయ్యారబ్బా..? వీడియో వైరల్..
Copyright © 2023 TV9 Telugu. All Rights Reserved.
