Watch: దుర్గామాత ఉత్సవాలు.. చదువుతూ గర్భా ఆడిన యువకుడు అదుర్స్‌..

దేశవ్యాప్తంగా దుర్గామాత నవరాత్రి ఉత్సవాలు ఘనంగా జరుగుతున్నాయి. సాధారణంగా నవరాత్రి ఉత్సవాల్లో దుర్గామాత పూజతో పాటుగా దాండియా, గర్భా నృత్యాలు జోరుగా నిర్వహిస్తుంటారు. ఈ క్రమంలో మండపాల వద్ద యువతీ యువకుల డ్యాన్స్‌లు, ఆటపాటలతో సందడి వాతావరణం నెలకొంది. సౌత్ లో కంటే నార్త్ లో ఎక్కువగా ఈ తరహా నృత్య ప్రదర్శనలు జరుగుతుంటాయి. గుజరాతీ గర్బా చాలా ఫేమస్.. ఇక్కడ చిన్న పిల్లల నుంచి వృద్దుల వరకు ఎంతో ఉత్సాహంగా నృత్యం చేస్తుంటారు. అయితే, ఓ మండపం వద్ద గర్భా డ్యాన్సులో ఓ యువకుడు స్పెషల్ అట్రాక్షన్‌గా నిలిచాడు. పరీక్షలు ఉన్నాయో.. ఏమో కానీ డ్యాన్స్ చేస్తూ చదువుతున్నాడు. దీనికి సంబంధించిన వీడియో సోషల్ మీడియాలో వైరల్ అవుతోంది. ఆ వీడియో చూసిన నెటిజన్లు ఆశ్చర్యపోతున్నారు. అయితే, ఈ వీడియో రికార్డ్ చేసింది ఎక్కడో మాత్రం తెలియరాలేదు.

మరిన్ని ట్రెండింగ్ వార్తల కోసం క్లిక్ చేయండి..