iPhone 17 : ఐఫోన్ 17 కోసం క్యూ కట్టిన కస్టమర్లు.. పరస్పరం దాడులు
ముంబైలోని ఆపిల్ స్టోర్ వద్ద ఐఫోన్ 17 విక్రయాల ప్రారంభంతో కస్టమర్ల మధ్య తోపులాట, గొడవలు జరిగాయి. కొందరు కస్టమర్లు ఒకరినొకరు కొట్టుకున్నారు. స్థానిక పోలీసులు దాడిలో పాల్గొన్నవారిని అరెస్టు చేశారు. భారీ జనసమూహం కారణంగా పరిస్థితి కొంత ఉద్రిక్తంగా మారింది.
భారతదేశంలో ఐఫోన్ 17 విడుదలతో ముంబైలోని బాంద్రాకుర్ల కాంప్లెక్స్లోని ఆపిల్ స్టోర్ వద్ద కస్టమర్ల మధ్య ఘర్షణలు చోటుచేసుకున్నాయి. ఐఫోన్ 17 కొనుగోలు కోసం విపరీతమైన జనం క్యూలో నిలబడటంతో తోపులాట ప్రారంభమైంది. కొంతమంది కస్టమర్లు ఒకరినొకరు కొట్టుకున్నారు. ఈ ఘటనలో కొంతమంది గాయపడ్డారని వార్తలు వచ్చాయి. స్థానిక పోలీసులు ఘటనా స్థలానికి చేరుకుని పరిస్థితిని అదుపులోకి తెచ్చారు. కొందరు వ్యక్తులను అరెస్టు చేసి విచారణ ప్రారంభించారు. ఈ ఘటన ఐఫోన్లకు ఉన్న డిమాండ్ను ప్రతిబింబిస్తుంది.