Depression: ఫేక్‌ నవ్వు వెనుక దాగిన బాధ.. మనసు మాట వినండి బ్రో.. నువ్వు డిప్రెషన్‌ను జయిస్తావు

మన చుట్టూ ఎంతమంది ఉన్నా కొన్నిసార్లు ఒంటరిగా అనిపిస్తుంది. మనసు బరువుగా ఉన్నా, “బాగున్నాను” అని ఓ ఫేక్‌ నవ్వు నవ్వేస్తుంటాం. నిజానికి డిప్రెషన్‌ అనేది పిచ్చి కాదు, బలహీనత కాదు, జీవితంలో ఓడిపోయిన వాళ్లకే వచ్చే సమస్య కూడా కాదు. ఇది చిన్నపిల్లల నుంచి పెద్దల వరకు ఎవరికైనా రావచ్చు. బయటకు నవ్వుతూ కనిపించే వ్యక్తి లోపల తీవ్రమైన బాధను అనుభవిస్తూ ఉండొచ్చు. ఒక పరీక్షలో విఫలమైనా, ప్రేమలో ఓడిపోయినా, ఉద్యోగం రాకపోయినా, ప్రియమైన వారిని కోల్పోయినా బాధ సహజం. అయితే, ఆ బాధ చాలా కాలం కొనసాగి, రోజువారీ జీవితాన్ని ప్రభావితం చేస్తే, ఏ పనిపైనా ఆసక్తి లేక, ఎప్పుడూ అలసిపోయినట్లు అనిపిస్తే, నిద్ర, ఆకలిలో మార్పులు వస్తే, మనుషులతో మాట్లాడాలనిపించక, ఆత్మవిశ్వాసం తగ్గితే దాన్ని తేలిగ్గా తీసుకోకూడదు. మనసు కూడా శరీరం లాగే అనారోగ్యానికి గురవుతుంది. డిప్రెషన్‌ నుంచి బయటపడటానికి మిమ్మల్ని మీరు నిందించుకోవద్దు. మీకు మీరు కొంత సమయం కేటాయించండి, నచ్చిన పనులు చేయండి, ఆరోగ్యకరమైన ఆహారం తీసుకోండి, సరిగ్గా నిద్రపోండి. అన్నిటికంటే ముఖ్యంగా, మీకు నమ్మకమైన వారితో మాట్లాడండి. సహాయం అడగడం బలహీనత కాదు, అది మనల్ని మనం కాపాడుకోవడానికి వేసే మొదటి అడుగు. అవసరమైతే, మానసిక ఆరోగ్య నిపుణుల సహాయం తీసుకోవడానికి వెనుకాడకండి. మీ జీవితం చాలా విలువైనది.

మరిన్ని వీడియోల కోసం ఇక్కడ క్లిక్ చేయండి

Also Watch:

Pink Power Run 3.0: హైదరాబాద్‌లో పింక్ పవర్ రన్‌ 3.0కి భారీ స్పందన

EPFO: ఈపీఎఫ్ ఖాతాదారు మరణిస్తే కుటుంబానికి ఏ ప్రయోజనాలు అందుతాయి? క్లెయిమ్ ప్రక్రియ ఇదే!

Arunachalam: అరుణాచల కొండకు ప్రకృతి చికిత్స.. ఫలిస్తుందా!

BIS: ఇకపై స్క్రీన్ గార్డులకు BIS తప్పనిసరి

PhonePe: ఫోన్‌పే భారీ విస్తరణ.. 20,000 ఉద్యోగాలు